কেৱল ভাৰতবৰ্ষৰে নহয় সমগ্ৰ বিশ্বব্যাপী প্ৰসাৰিত হোৱা এক জনপ্ৰিয় টি.ভি. ৰিয়েলিটি শ্ব’ দ্বাদশতম ইণ্ডিয়ান আইডলৰ চূড়ান্ত বিজয়ী পৱনদ্বীপ ৰাজনৰ এখন ফ’ট’ ভাইৰেল হোৱাৰ লগে লগেই পৱনদ্বীপৰ অনুৰাগী সকলৰ মাজত চাঞ্চল্যৰ সৃষ্টি হোৱা দেখা গৈছে ৷
প্ৰাকৃতিক শোভাৰে ভৰপূৰ চিৰ সেউজীয়া পাহাৰীয়া ৰাজ্য উত্তৰাখণ্ডৰ এজন প্ৰতিভাৱান শিল্পী পৱনদ্বীপ ৰাজন যি এক জনপ্ৰিয় ৰিয়েলিটি শ্ব’ৰ যোগেদি শেহতীয়া ভাবে পোহৰলৈ আহিছে ৷ লক্ষ লক্ষ সংগীত প্ৰেমী ভাৰতীয়ৰ হিয়াৰ আমঠু পৱনদ্বীপৰ বিয়াৰ এখন ফটোৱে শেহতীয়া ভাৱে খলকনি তুলিছে পৱনদ্বীপৰ অনুৰাগী সকলৰ মাজত ৷ আনহাতে পৱনদ্বীপৰ কইনা হিচাপে ফট’ত দেখা পোৱা গৈছে ইণ্ডিয়ান আইডলৰ আন এগৰাকী প্ৰতিদ্বন্দী তথা সুকণ্ঠী গায়িকা অৰুণিতা কাঞ্জিলালক ৷ দুয়োগৰাকী গায়কেই ইমান দিনে দুয়ো দুয়োৰে অন্তৰংগ বন্ধু বুলি কৈ অহাৰ পিছতো অনুৰাগী সকলে ফট’শ্বপত এখন ফট’ এনেকৈ সম্পাদনা কৰি উলিয়াইছে য’ত দুয়োকে দৰা-কইনাৰ ৰূপত দেখা পোৱা গৈছে আৰু ইতিমধ্যে ফট’খন সাংঘাটিক ভাৱে ভাইৰেল হৈছে সামাজিক মাধ্যমত ৷সামাজিক মাধ্যম যোগে শেহতীয়াকৈ তেওঁলোকৰ অনুৰাগী সকলে এই ফট’ প্ৰচাৰ কৰা পৰিলক্ষিত হৈছে৷
