দ্য কপিল শৰ্মা শ্ব’ত ‘দ্যা কাশ্মীৰ ফাইলচ’ৰ প্ৰচাৰ নকৰাৰ বাবে ট্ৰ’ল কৰা হৈছে কপিল শৰ্মাক

অনুপম খেৰ, মিথুন চক্ৰৱৰ্তী, দৰ্শন কুমাৰ আৰু পল্লৱী যোশী আদিৰ দৰে ভাৰতৰ আগশাৰীৰ অভিনেতা –অভিনেত্ৰী অভিনীত ‘দ্য কাশ্মীৰ ফাইলচ’ ২০২২ চনৰ ১১ মাৰ্চত চিনেমাগৃহত মুক্তি পাবলৈ সাজু হৈ উঠিছে। ১৯৯০ৰ দশকৰ আৰম্ভণিতে কাশ্মীৰত সৃষ্টি হোৱা উগ্ৰবাদ আৰু কাশ্মীৰী হিন্দুসকলৰ কাহিনীৰ আধাৰত নিৰ্মাণ কৰা হৈছে এই চলচ্চিত্ৰখন ।

চলচ্চিত্ৰখনৰ  নিৰ্মাতা বিবেক অগ্নিহোত্ৰীক  তেওঁৰ এজন অনুৰাগীয়ে ‘দ্য কপিল শৰ্মা শ্ব’ত  চলচ্চিত্ৰখনৰ প্ৰচাৰৰ কথা কোৱাত তেওঁ ‘দ্য কাশ্মীৰ ফাইলছ’ৰ প্ৰচাৰৰ বাবে  জনপ্ৰিয়  টক শ্ব’লৈ নিমন্ত্ৰণ নোপোৱাৰ বাবে হতাশা ব্যক্ত কৰিছিল। অনুৰাগীজনে টুইটাৰত ‘দ্য কপিল শৰ্মা শ্ব’ত ছবিখনৰ প্ৰচাৰ চাবলৈ ইচ্ছা প্ৰকাশ কৰিছিল কিন্তু পৰিচালকজনে লিখিছিল, ‘কপিল শৰ্মা শ্ব’ত কাক আমন্ত্ৰণ জনোৱা উচিত সেইবিষয়ে মই সিদ্ধান্ত ল’বলৈ নাপাওঁ। এইটো তেওঁৰ আৰু তেওঁৰ প্ৰযোজকৰ পছন্দ যাক তেওঁ নিমন্ত্ৰণ কৰিব বিচাৰে।

বিবেকে শ্বেয়াৰ কৰিছিল যে তেওঁক  ‘দ্য কপিল শৰ্মা শ্ব’লৈ নিমন্ত্ৰণ কৰা হোৱা নাছিল কিয়নো তেওঁৰ ছবিখনত  কোনো ” বাণিজ্যিক তাৰকা” নাই।  আন এটা টুইটত তেওঁ লগতে কয়, “আনকি মইও এজন অনুৰাগী। কিন্তু ই সত্য যে তেওঁলোকে আমাক তেওঁলোকৰ অনুষ্ঠানলৈ মাতিবলৈ অস্বীকাৰ কৰিছিল কাৰণ আমাৰ ছবিত কোনো বাণিজ্যিক  তাৰকা নাই। বলীউডত নন্ষ্টাৰ্টাৰ পৰিচালক, লেখক আৰু ভাল অভিনেতাসকলক একো বুলিয়েই  গণ্য কৰা নহয়।”

I don’t get to decide who should be invited on @KapilSharmaK9 show. It’s his and his producers choice whom he wants to invite. As far as Bollywood is concerned, I’d say what once Mr. Bachchan was quoted saying about Gandhis: वो राजा हैं हम रंक… https://t.co/la8y9FhB6l

— Vivek Ranjan Agnihotri (@vivekagnihotri) March 7, 2022