বুধবাৰে সন্ধিয়া দুই কন্যা ৰিনী,এলিছা আৰু এটি শিশুৰে সৈতে বাহিৰলৈ ওলাই যোৱাৰ ফট’ সামাজিক মাধ্যমত প্ৰচাৰ হোৱা মাত্ৰেই সুশ্মিতাৰ অনুৰাগী সকলৰ মনত বিভিন্ন প্ৰশ্নই ক্ৰিয়া কৰিছে ৷ বলিউদৰ মোহময়ী অভিনেত্ৰী সুশ্মিতা সেনে এগৰাকী অবিবাহিত নাৰী হৈয়ো ২০০০চনত তেওঁৰ প্ৰথম কন্যা সন্তান ৰীনিক তুলি লৈছিল আৰু তাৰ পিছতেই ২০১০চনত আকোঁৱালি লৈছিল এলিছাক ৷ কিন্তু শেহতীয়াকৈ বুধবাৰে সন্ধিয়া পৰিয়ালৰ সৈতে উঠা এখন ফট’ত ক’লা টি-চাৰ্ট পৰিধান কৰি এখন ৰঙা শ্বল লৈ দেখিবলৈ পোৱা গ’ল মোহময়ী অভিনেত্ৰী তথা পূৰ্বৰ মিছ ইউনিভাৰ্ছ সুস্মিতা সেনক ৷ আনহাতে দুই কন্যা সন্তানৰ সৈতে এইবাৰ ফট’ত দেখা পোৱা গ’ল এটি কণমানি ল’ৰাক ৷
সামাজিক মাধ্যমযোগে এই কথা পোহৰলৈ আহিছে যে সুশ্মিতা সেনে এইবাৰ দুই কন্যাৰ পিছত তুলি লৈছে এক পুত্ৰ সন্তানক ৷ অৱশ্যে এই ক্ষেত্ৰত অভিনেত্ৰী গৰাকীয়ে এতিয়ালৈকে একো মন্তব্য কৰা নাই ৷
