এইবাৰ চলচিত্ৰ প্ৰেমী ৰাইজৰ বাবে আন এক সুখবৰ ৷ আহি আছে বলিউডৰ জনপ্ৰিয় যুটি ৰনবীৰ কাপুৰ আৰু আলিয়া ভাট অভিনীত এখন নতুন ছবি য’ত বলিউড চুপাৰষ্টাৰ ৰনবীৰ কাপুৰক একেবাৰে নতুন ৰূপত দেখিবলৈ পাব দৰ্শকে ৷ অয়ন মূখাৰ্জীৰ পৰিচালনা আৰু কৰণ জোহৰৰ ‘ধৰ্ম প্ৰডাক্চন’ৰ প্ৰযোজনাৰে ২০২২চনৰ চেপ্টেম্বৰত মুক্তি পাবলগীয়া ‘ব্ৰহ্মাস্ত্ৰ’ই দৰ্শকৰ যথেষ্ট সমাদৰ লাভ কৰিবলৈ সক্ষম হ’ব বুলি চিনেমাখনৰ সৈতে জড়িত সকলো লোক আশাবাদী ৷
বলিউডৰ মেগা ষ্টাৰ অমিতাভ বচ্চন,মৌনি ৰয়,ডিম্পল কাপাদিয়া,নাগাৰ্জুন আদিৰ দৰে জনপ্ৰিয় ও বলিষ্ঠ অভিনেতাৰ অভিনয়েৰে ২০২২চনৰ ৯চেপ্টেম্বৰত মুক্তি পাবলগীয়া ‘ব্ৰহ্মাস্ত্ৰ’ত মূখ্য চৰিত্ৰত অভিনয় কৰিছে বৰ্তমান সময়ৰ বলিউড জগতৰ জনপ্ৰিয় অভিনেতা ৰনবীৰ কাপুৰ আৰু মোহময়ী অভিনেত্ৰী আলিয়া ভাটে ৷
বুধবাৰে মুক্তি লাভ কৰা আকৰ্ষণীয় বেনাৰে অৱশ্যেই চলচিত্ৰ প্ৰেমী দৰ্শকক আকৰ্ষিত কৰিছে আৰু ছবিখনৰ মুক্তিৰ বাবে অধীৰ আগ্ৰহেৰে বাট চাইছে চলচিত্ৰ অনুৰাগী সকলে ৷
