বক্স অফিচত ‘পাঠান’ ছবিয়ে ধুমুহাৰ সৃষ্টি কৰিছে ৷ বলিউডৰ কিং হিচাপে পৰিচিত শ্বাহৰুখৰ আছে অনুৰাগীৰ মাজত সুকীয়া স্থান ৷ ছছিয়েল মিডিয়াত আছে তেওৰ জনপ্ৰিয়তা ৷ ফেচবুকত শ্বাহৰুখৰ অনুগামীৰ সংখ্যা ৪ কোটি ৩০ লাখ । অৱশ্যে অভিনেতাজনে মাত্ৰ দুটা একাউণ্টহে ‘ফ’ল’ কৰে। প্ৰথম একাউণ্টটো তেওঁৰ নিজৰ প্ৰডাকচন কোম্পানীটোৰ। ইয়াৰ বাহিৰে তেওঁ আন এগৰাকী মহিলাক ফল’ কৰে ফেচবুকত ৷
অৱশ্যে তেওঁ ফল’ কৰা মহিলা গৰাকী গৌৰী খান বুলি ভুল নকৰিব ৷ শ্বাহৰুখে পত্নীৰ বাহিৰে আন এগৰাকী মহিলাক ‘ফ’ল’ কৰে । কোন এই ৰহস্যময়ী মহিলাগৰাকী, তেওঁৰ প্ৰকৃত পৰিচয় নোকি – ইয়াক লৈ অনুৰাগীৰ মনত প্ৰশ্ন উত্থাপন হৈছে। এই ৰহস্যময়ী মহিলাগৰাকীক মাজে মাজে ৰাজস্থানৰ গ্ৰাম্য অঞ্চলত দেখা যায়। শাৰীৰিক ব্যায়ামৰ উপৰিও তেওঁ গছৰ সৈতে অনুশীলন কৰিও ভাল পায়। ফেচবুকত তেওঁৰ এনে ছবিৰে ভৰি আছে। তেওঁৰ নাম ডিন পাণ্ডে। ডিনে নিজৰ ছ’চিয়েল মিডিয়াতো ‘পাঠান’ চিনেমাখনৰ প্ৰচাৰ কৰা দেখা গৈছিল ৷
ডিন পাণ্ডে। অৱশ্যে তেওঁৰ প্ৰকৃত নাম ডিন উডহাম। পেছাত তেওঁ এজন ফিটনেছ প্ৰশিক্ষক। এই বৃত্তিত যোগদান কৰাৰ আগতে তেওঁ মডেলিঙৰ সৈতে জড়িত আছিল। ১৯৯৪ চনত ডিনে ‘আগে আগে লড়কী’ ছবিত আত্মপ্ৰকাশ কৰে। তাৰ পিছত কোনো ছবিতে তেওঁক দেখা পোৱা নগ’ল। ১৯৬৮ চনৰ ১০ ডিচেম্বৰত মুম্বাইত জন্মগ্ৰহণ কৰিছিল ডিনে। তেওঁৰ পিতৃ আছিল এজন খেলুৱৈ। ডিন পিতৃ-মাতৃ আৰু ভনীয়েকৰ সৈতে মুম্বাইত বাস কৰিছিল।ডিনে বিভিন্ন বিখ্যাত আলোচনীৰ কভাৰৰ বাবে মডেলিং কৰি আহিছে। ইয়াৰ পিছত তেওঁ অষ্ট্ৰেলিয়াৰ পৰা ৪ মাহ বডি বিল্ডিঙৰ প্ৰশিক্ষণ লৈ ভাৰতলৈ উভতি আহে।
ফিটনেছ প্ৰশিক্ষক হিচাপে কেৰিয়াৰৰ আৰম্ভণিতে ডিনে ব্যক্তিগতভাৱে একেৰাহে ৬ বছৰ ধৰি বডি বিল্ডিঙৰ প্ৰশিক্ষণ লৈছিল। কিন্তু পিছলৈ তেওঁ মুম্বাইত নিজাকৈ জিম নিৰ্মাণ কৰে। ডিনৰ জিমত আছিল বিশ্ববিখ্যাত জিম প্ৰশিক্ষক। তেওঁ বহু বিখ্যাত তাৰকাৰ সৈতেও কাম কৰিছে। তেওঁ বিপাশা বসু, ছলমান খান, ছোহেইল খান, প্ৰীতি জিন্তা আৰু লাৰা দত্তক প্ৰশিক্ষণ দিছে।
শাৰীৰিক প্ৰশিক্ষণৰ উপৰিও ডিন এগৰাকী লেখিকা। ইতিমধ্যে তেওঁ ‘আই এম নট ইন ষ্ট্ৰেছড’ আৰু ‘শ্বাট আপ এণ্ড ট্ৰেইন’ নামৰ দুখন গ্ৰন্থ লিখিছে। ‘শ্বাট আপ এণ্ড ট্ৰেইন’ৰ গ্ৰন্থ উন্মোচনী অনুষ্ঠানত ডিনে শ্বাহৰুখ খান আৰু বিপাশা বসুক অতিথি হিচাপে আমন্ত্ৰণ জনায়। দুয়োগৰাকী তাৰকাই একেলগে এই গ্ৰন্থখন উন্মোচন কৰে। ডিনে বিপাশা বসুৰ লগত বহুতো ফিটনেছ ডিভিডি মুকলি কৰা হৈছিল। এই ডিভিডিৰ ভিডিঅ’সমূহত বিপাশাই ডিনৰ সৈতে কাম কৰিছিল। অৱশ্যে ফিটনেছ প্ৰশিক্ষক আৰু লেখক হোৱাৰ উপৰিও ডিনৰ আন এটা পৰিচয় আছে। অভিনেতা চাংকি পাণ্ডেৰ ভাতৃ চিকিৰ পত্নী হৈছে ডিন ।
১৯৯৪ চনৰ ৫ মাৰ্চত ডিনে চিকিৰ সৈতে বিবাহপাশত আবদ্ধ হয়। চিকি পেছাত এগৰাকী ব্যৱসায়ী। ডিন আলানা নামৰ কন্যা আৰু আহন নামৰ এজন পুত্ৰ সন্তানৰ মাতৃ ৷আলানা আৰু আহান দুয়োজনেই ছ’চিয়েল মিডিয়াত জনপ্ৰিয়। ইনষ্টাগ্ৰামত ডিনৰ অনুৰাগীৰ সংখ্যাও কম নহয়। এতিয়ালৈকে তেওঁৰ ৪ লাখ ৮১ হাজাৰ অনুৰাগী আছে। অৱশ্যে ইনষ্টাগ্ৰামতকৈ ফেচবুকত ডিনৰ অনুৰাগী বেছি। এই পৰ্যন্ত তেওঁৰ ফেচবুকত ৫ লাখ ৬৪ হাজাৰ অনুৰাগী আছে।ডিনে নিজৰ কেৰিয়াৰত ইমানবোৰ বলীউডৰ তাৰকাৰ সৈতে কাম কৰিছে যদিও ডিনে কেৱল ফেচবুকত পৰিয়ালৰ সদস্য আৰু ঘনিষ্ঠ বন্ধুক ‘ফ’ল’ কৰে। কেৱল শ্বাহৰুখ খান আৰু ছলমান খানক তেওঁ ফল’ কৰে ৷ ইয়াৰ উপৰিও তেওঁ ফেচবুকত মডেল-অভিনেত্ৰী প্ৰীতি দেশাইক ‘ফ’ল’ কৰিছিল।
