অৱশেষত ঘোষণা কৰা হ’ল জনপ্ৰিয় অভিনেতা প্ৰভাছৰ বহু প্ৰতীক্ষিত নতুন ছবি আদিপুৰুষৰ মুক্তিৰ দিন ৷ শুকুৰবাৰে অভিনেতা গৰাকীয়ে নিজৰ ইনষ্টাগ্ৰাম একাউণ্টত এটা পোষ্ট শ্বেয়াৰ কৰি তেওঁৰ ছবিখনৰ মুক্তিৰ দিন ঘোষণা কৰে ৷ সেই অনুসৰি অহা ১২ জানুৱাৰীত ছবিগৃহত মুক্তি লাভ কৰিব আদিপুৰুষে ৷ আনহাতে, অহা ২ অক্টোবৰত ছবিখনৰ টিজাৰ মুকলি কৰা হ’ব ৷ ছবিখনৰ এখন পোষ্টাৰ শ্বেয়াৰ কৰি অভিনেতাগৰাকীয়ে লিখিছে, “আৰম্ভ। আমি উত্তৰ প্ৰদেশৰ অযোধ্যাৰ সৰয়ু নদীৰ পাৰত যাদুকৰী যাত্ৰা আৰম্ভ কৰিছো । আদিপুৰুষ অযোধ্যাত। “
পোষ্টাৰখনত প্ৰভাছক আগতে কেতিয়াও দেখা নোপোৱা চৰিত্ৰত দেখা গৈছে। ধূতি পিন্ধি ধনু-কাঁড় ধৰি আকাশৰ ফালে লক্ষ্য কৰি থকা দেখা গৈছে অভিনেতা গৰাকীক। প্ৰভাছৰ সহ অভিনেতা কৃতী চাননেও নিজৰ ইনষ্টাগ্ৰামত একেধৰণৰ কেপচন দি মুক্তিৰ তাৰিখ ঘোষণাৰ পোষ্টাৰ শ্বেয়াৰ কৰিছে ৷চলচ্চিত্ৰ নিৰ্মাতা ওম ৰাউত আৰু অভিনেতা ছানী সিঙেও কৰিছে ৷ ওম ৰাউতৰ পৰিচালনাত নিৰ্মিত এই ছবিখনত মুখ্য চৰিত্ৰত অভিনয় কৰিছে ছাইফ আলী খান আৰু ছানী সিঙেও।
আদিপুৰুষ মহাকাব্য ৰামায়ণৰ আধাৰত ৰচনা কৰা হৈছে ৷ য’ত প্ৰভাছে ৰাঘৱৰ চৰিত্ৰত অভিনয় কৰিব ৷ কৃতীয়ে জানকীৰ চৰিত্ৰত,ছাইফক লংকেশৰ চৰিত্ৰত আৰু ছানী সিঙক লক্ষ্মণৰ চৰিত্ৰত অভিনয় কৰা দেখা যাব ৷
