জনপ্ৰিয় অভিনেত্ৰী প্ৰিয়ংকা চোপ্ৰাই তেওঁৰ ভায়েক সিদ্ধাৰ্থ চোপ্ৰা আৰু শাহু ডেনিছ জোনাছৰ জন্মদিনত তেওঁলোকৰ সৈতে তোলা ফটো সামাজিক মাধ্যমত আপলোড কৰি যাচিলে শুভকামনা ৷ অভিনেত্ৰীগৰাকীয়ে মঙলবাৰে তেওঁৰ ইনষ্টাগ্ৰাম ষ্ট’ৰীত দুয়োজনৰ বাবে জন্মদিনৰ শুভেচ্ছা জ্ঞাপন কৰে । প্ৰিয়ংকাই ভায়েক সিদ্ধাৰ্থক শুভেচ্ছা জনোৱাৰ বাবে সিদ্ধাৰ্থৰ শৈশৱৰ এখন ফটো শ্বেয়াৰ কৰিছিল আনফালে তেওঁ তেওঁৰ আৰু নিক জোনাছৰ মাক ডেনিছৰ শেহতীয়া এখন ফটোও সামাজিক মাধ্যমত শ্বেয়াৰ কৰিছিল ৷
প্ৰিয়ংকাই ইনষ্টাগ্ৰাম ষ্ট’ৰীত সিদ্ধাৰ্থৰ এটা থ্ৰোবেক শ্বেয়াৰ কৰিছিল আৰু লিখিছিল, “লাভ ইউ চিড! তোমাৰ বাবে সদায় আছো! শুভ জন্মদিন, তোমাক ভাল পাওঁ।” সিদ্ধাৰ্থ প্ৰিয়ংকাৰ সৰু ভায়েক আৰু এজন পেছাদাৰী ৰান্ধনী।
ইফালে, শাহুৱেকক জন্মদিনৰ শুভেচ্ছা জনোৱাৰ বাবে প্ৰিয়ংকাই ডেনিছৰ সৈতে পোজ দিয়া এখন ফটো শ্বেয়াৰ কৰিছে। ছবিখনত, দুয়োকে হাঁহি থকা আৰু কেমেৰালৈ চাই থকা দেখা গৈছে। ফট’খন আপলোড কৰি তেওঁ লিখিছিল ,”শুভ জন্মদিন মিলি। আপোনাক বহুত ভাল পাওঁ। আপোনাক আমাৰ জীৱনত পাই ধন্য,” ৷
প্ৰিয়ংকাই অলপতে স্বামী, গায়ক-অভিনেতা নিক জোনাছ আৰু তেওঁলোকৰ জীয়ৰী মালতী মেৰী চোপ্ৰা জোনাছৰ সৈতে তেওঁৰ ভ্ৰমণৰ ফটোসমূহো সামাজিক মাধ্যমত ভাগ বতৰা কৰিছিল। তেওঁলোকৰ সৈতে প্ৰিয়ংকাৰ মাক মধু চোপ্ৰা আৰু তেওঁলোকৰ বন্ধুবৰ্গয়ো আমেৰিকাৰ লেক টাহো ভ্ৰমণত যোগ দিছিল।
আনহাতে দম্পতীহালে তেওঁলোকৰ প্ৰথম সন্তান মালতী মেৰীক জানুৱাৰী ২০২২ত একেলগে আদৰণি জনাইছিল। তেওঁলোকৰ ইনষ্টাগ্ৰাম পোষ্টত, নিক আৰু প্ৰিয়ংকাই প্ৰকাশ কৰিছিল যে তেওঁলোকৰ সন্তান চাৰোগেচীৰ জৰিয়তে জন্ম হৈছিল। “আমি আনন্দিত যে আমি চাৰোগেটৰ জৰিয়তে এটা সন্তানক আদৰণি জনাইছো। আমি আমাৰ পৰিয়ালৰ সময় দিয়াৰ বাবে এই বিশেষ সময়ত সন্মান সহকাৰে গোপনীয়তা বিচাৰো। আপোনাক বহুত ধন্যবাদ,” দম্পতীহালে সেই সময়ত এক যুটীয়া বিবৃতিত লিখিছিল।
অতি সোনকালেই প্ৰিয়ংকাক আমাজন প্ৰাইম ভিডিঅ’ত ৱেব চিৰিজ ‘চিটাডেল’ত দেখিবলৈ পাব তেওঁৰ অনুৰাগীসকলে। আনহাতে ৰুচো ব্ৰাদাৰ্ছৰ দ্বাৰা প্ৰযোজিত, পেট্ৰিক মৰ্গানে পৰিচালনা কৰা চাই-ফাই শৃংখলাটো দেখা যাব প্ৰিয়ংকাক য’ত তেওঁৰ সৈতে অভিনয় কৰিছে অভিনেতা ৰিচাৰ্ড মেডেনে । আনহাতে আহি আছে ফাৰহান আখটাৰৰ ‘জী লে জাৰা’ য’ত প্ৰিয়ংকাক অভিনেত্ৰী আলিয়া ভাট আৰু কেটৰিনা কাইফৰ সৈতে দেখা পোৱা যাব।
