শেহতীয়াকৈ বলিউডৰ মোহময়ী অভিনেত্ৰী প্ৰিয়ংকা চোপ্ৰাই তেওঁৰ শৈশৱৰ এখন অমূল্য ছবি টুউইটাৰত শ্বেয়াৰ কৰিছে। সেই বিশেষ ফট’খনত তেওঁক তেওঁৰ আইতাক, তেওঁৰ মাতৃ মধু চোপ্ৰা আৰু সম্পৰ্কীয় ভাই প্ৰিয়ম মাথুৰৰ সৈতে দেখা পোৱা গৈছে। তেওঁৰ আইতাকৰ জন্মদিন উদযাপনৰ ছবিখনে প্ৰিয়ংকাৰ আইতাকৰ সৈতে থকা এক শক্তিশালী সম্পৰ্কৰ কথাকেই যেন প্ৰতিফলিত কৰিছে ৷অৱশ্যে অইতাকৰ সৈতে তেওঁৰ আন্তৰিকতাৰ কথা সামাজিক মাধ্যমত তেওঁ লিখিছে যে, ‘যেতিয়া মোৰ মা আৰু দেউতা অধ্যয়ন আৰু চিকিৎসাৰ কেৰিয়াৰত ব্যস্ত হ’ব লগা হৈছিল সেই সময়ত আইতাই মোক ডাঙৰ কৰিছিল । মোৰ লালন-পালনৰ ক্ষেত্ৰত তেওঁ এক বিশেষ ভুমিকা ল’ব লগা হৈছিল। মই ইমান ভাগ্যৱান যে, মোৰ জীৱনত বহুতো শক্তিশালী মাতৃৰ অৱদান আছে ৷ মই আপোনালোক সকলোৰে ওচৰত বহুত বহুত কৃতজ্ঞ।মিছ ইউ নানী’
ভাৰত, ইটালী আৰু মেক্সিকোই প্ৰযোজনা কৰা অভিনেত্ৰী গৰাকীৰ পৰৱৰ্তী প্ৰকল্প ‘চিটাডেল’, এক চিৰিজ আৰু ইয়াত ৰিচাৰ্ড মেডেনেও অভিনয় কৰিছে ৷ আনহাতে ইয়াক পৰিচালনা কৰিছে ৰুচো ব্ৰাদাৰ্ছে । সংগীত প্ৰকল্প ঘোষণা কৰাৰ পিছত ‘চিটাডেল’ হৈছে আমাজন প্ৰাইম ভিডিঅ’ৰ সৈতে প্ৰিয়ংকা চোপ্ৰাৰ দ্বিতীয় প্ৰকল্প, যাক তেওঁ নিক জোনাছৰ সৈতে পৰিচালনা কৰিব। যোৱা বছৰ, প্ৰিয়ংকা চোপ্ৰাক নেটফ্লিক্সৰ অৰবিন্দ আদিগাৰ বুকাৰ বঁটা বিজয়ী উপন্যাসৰ ওপৰত আধাৰিত ‘দ্য হোৱাইট টাইগাৰ’ত দেখা গৈছিল, ।
