দাক্ষিণাত্যৰ ছবিজগতৰ পাৱাৰষ্টাৰ পৱন কল্যাণে বিৰতি অবিহনে কাম কৰাৰ সিদ্ধান্ত লয় আৰু তেওঁ এটাৰ পিছত আনটো প্ৰকল্পত স্বাক্ষৰ কৰে। তেওঁৰ শেহতীয়া প্ৰস্তাৱ ভীমলা নায়ক বক্স অফিচত সাংঘাটিক ভাৱে হিট হোৱাৰ পিছত এইবাৰ অভিনেতাজনে অহা মাহত ‘বিনোধায়া সীতাম’ৰ পুনৰ্নিমাণৰ কাম হাতত লয় ৷ সামুতিৰাকানীয়ে প্ৰকল্পটো পৰিচালনা কৰিব আৰু সময়সূচীসমূহ বৰ্তমান পৰিকল্পনা কৰা হৈছে। পৱন কল্যাণৰ ‘ক্ৰিয়েটিভ ৱৰ্কছ এণ্ড পিপল মিডিয়া ফেক্টৰী’য়ে এই আকৰ্ষণীয় প্ৰয়াসটো প্ৰস্তুত কৰিবলৈ লৈছিল। কিন্তু যোৱা কেইসপ্তাহমানত ই সম্পূৰ্ণৰূপে সলনি হৈছে।
বৰ্তমান জি ষ্টুডিঅ’ই এই প্ৰকল্পটোত যোগদান কৰিছে আৰু পুঁজি অগবঢ়াব বুলি চুক্তিবদ্ধ হৈছে । পৱন কল্যাণে এই ছবিখনৰ বাবে ২০ দিন আৱণ্টন কৰিছিল ৷ ছবিখনৰ আনটো মুখ্য চৰিত্ৰত অভিনয় কৰিব চাই ধৰম তেজে । পুনৰ্নিৰ্মাণ কৰা ছবিখনৰ চিত্ৰনাট্য আৰু সংলাপ সংস্কৰণত কাম ত্ৰিবিক্ৰমৰ আৰু তেওঁৰ প্ৰযোজনা গৃহ ‘ফৰ্চুন ফ’ৰ চিনেমা’ই ‘জি ষ্টুডিঅ’ আৰু ‘পিপল মিডিয়া ফেক্টৰী’ৰ সৈতে ইয়াৰ লাভাংশ ভগাই ল’ব ৷জানিব পৰা মতে জি ষ্টুডিঅ’ই পৱন কল্যাণৰ আৰু এখন ছবিৰ বাবেও চুক্তি কৰিছিল যাক অতি সোনকালেই ঘোষণা কৰা হ’ব। পৱনৰ এই পুনৰ্নিৰ্মাণৰ ২০ দিনৰ দৃশ্যগ্ৰহণৰ পাৰিশ্ৰমিক ৫০ কোটি টকা ৷
