আনন্দ এল ৰায়ৰ পৰিচালনাৰে বলীউডৰ নৱ নিৰ্মিত ছবি ‘ৰক্ষা বন্ধন’এ দৰ্শকক যথেষ্ট প্ৰভাৱিত কৰিছে ৷ ছবিখনত মুখ্য চৰিত্ৰত অভিনয় কৰিছে জনপ্ৰিয় অভিনেতা অক্ষয় কুমাৰ, সাদিয়া খাতিব, চাহেজমীন কৌৰ, স্মৃতি শ্ৰীকান্ত আৰু দীপিকা খান্নাই । আজি মুক্তি লাভ কৰা চলচ্চিত্ৰখনকলৈ লৈ উন্মাদ হৈ আছে দৰ্শকসকল ।
চলচ্চিত্ৰখনৰ কাহিনী এটা পৰিয়ালৰ ওপৰত আধাৰিত য’ত জ্যেষ্ঠ ভাতৃ লালাই তেওঁৰ চাৰিগৰাকী ভগ্নীৰ যত্ন লয় আৰু তেওঁৰ অসুস্থ মাতৃৰ ইচ্ছা পূৰণ কৰিবলৈ যথাসাধ্য চেষ্টা কৰে। চলচ্চিত্ৰখনে চলচ্চিত্ৰ নিৰ্মাতাসকলৰ পৰা ইতিবাচক সঁহাৰি লাভ কৰে ৷ অক্ষয় আৰু ভূমিৰ ছবিখন চাই এতিয়া ছবিখনৰ ট্ৰেণ্ডিং আৰম্ভ কৰাৰ লগতে সামাজিক মাধ্যমতো প্ৰশংসামূলক মন্তব্যৰে খলকনি তুলিছে দৰ্শকে ৷
এজন দৰ্শকে লিখিছে যে এইবাৰ নিশ্চয়কৈ ‘ৰক্ষাবন্ধন’ চুপাৰ দুপাৰ হিট ৷ ছবিখনৰ ক্ষেত্ৰত আন এজন নায়ক হ’ল হিমেশ ৰেছমীয়া যাৰ সংগীতে ছবিখনৰ সোণত সুৱগা চৰাইছে ।আনহাতে অক্ষয় কুমাৰৰ অভিনয়ো সাংঘাটিক ৷ আম আদমীৰ সৈতে তেওঁৰ সংযোগে ছবিখনক এক বিশেষ ছবি কৰি তুলিব।
আনহাতে, আন এজনে মন্তব্য কৰি কয় যে ৰক্ষা বন্ধন হৈছে ভাই-ভনীসকলৰ মাজৰ গভীৰ প্ৰেমৰ কাহিনী। য’ত শক্তিশালী অভিনয়েৰে অক্ষয় কুমাৰে ছবিখনক অনন্য মাত্ৰা প্ৰদান কৰিছে । আনহাতে উৎকৃষ্ট পৰিচালনা আৰু সুন্দৰ চিত্ৰনাট্যৰ ছবিখনে নিশ্চয়কৈ দৰ্শকৰ চকুপানী উলিয়াব ৷
