বলিউডৰ ভাইজান হিচাপে খ্যাত চলমান খানৰ নতুন ছবি চাবলৈ সদায়েই অনুৰাগীৰ মাজত দেখা যায় ব্যাপক উৎসাহ ৷ সেয়েহে তেওঁৰ অনুৰাগীৰ বাবে আছে এক সুখবৰ ৷ চলমান খানৰ জনপ্ৰিয় ছবি টাইগাৰৰ আন এখন ছিকুৱেল ছবিগৃহত মুক্তি লাভ কৰিব ৷ অৱশ্যে এই টাইগাৰ-৩ ছবিখন ছবিগৃহত উপভোগ কৰিবলৈ কিছু অপেক্ষা কৰিব লাগিব অনুৰাগীয়ে ৷ কিয়নো অহা বর্ষৰ দীপাৱলীত ছবিগৃহলৈ আহিব চলমান আৰু কেটৰিনা অভিনীত টাইগাৰ-৩ ৷ ইয়াৰ পূৰ্বে অহা বছৰৰ ২১ এপ্ৰিলত ছবিখন মুক্তি পোৱাৰ কথা আছিল।
ছুপাৰষ্টাৰ ছলমান খানৰ আধা আবৃত মুখ সম্বলিত নতুন পোষ্টাৰ মুকলি কৰা হৈছে ৷ ইনষ্টাগ্ৰামত পোষ্টাৰখন শ্বেয়াৰ কৰি ছলমান খানে লিখিছে, “টাইগাৰৰ এটা নতুন দিন নির্ধাৰণ কৰা হৈছে ৷ সেয়া হৈছে দীপাৱলী ২০২৩ ৷ হিন্দী, তামিল, আৰু তেলেগু ভাষাত মুক্তি পাব।” কেটৰিনা কাঈফেও নিজৰ ইনষ্ট্ৰাগ্ৰাম হেন্ডেলত টাইগাৰ-৩ ৰ পোষ্টাৰ প্ৰকাশ কৰিছে ৷
টাইগাৰ ৩ ৰ পৰিচালনা কৰিছে চলচ্চিত্ৰ নিৰ্মাতা মনীষ শৰ্মাই ৷ আনহাতে এক থা টাইগাৰ (২০১২) আৰু টাইগাৰ জিন্দা হে (২০১৭) পৰিচালনা কৰিছিল ক্ৰমে কবীৰ খান আৰু আলী আব্বাছ জাফৰে।
ইফালে, ছলমান খানৰ আন এখন ছবি কিছি কা ভাই কিচি কি জানৰ শ্বুটিঙৰ কাম অব্যাহত আছে ৷ লগতে মুখ্য চৰিত্ৰত অভিনয় কৰিছে পূজা হেগড়ে আৰু শ্বেহনাজ গিল।
