কোন গৰাকী জনপ্ৰিয় বলীউড অভিনেতাৰ আছে ঘঢ়িৰ প্ৰতি বিশেষ আকৰ্ষণ?

বলীউড জগতৰ এগৰাকী অন্যতম শীৰ্ষ অভিনেতা সঞ্জয় দত্ত।অভিনেতা তথা সঞ্জয়ৰ পিতৃ সুনীল দত্তই পুত্ৰক সফল ৰূপত আগুৱাই লৈ যাবলৈ বহু কষ্ট কৰিছিল। অৱশ্যে সময়ৰ লগে লগে সঞ্জয়ে নিজৰ এগৰাকী সফল অভিনেতা ৰূপে প্ৰতিষ্ঠা কৰিবলৈ সক্ষম হ’ল আৰু এতিয়া পত্নী আৰু সন্তানৰ সৈতে অভিনেতা গৰাকীয়ে কটাইছে এক বিলাসী জীৱন ।
ঘড়ীৰ প্ৰতি সঞ্জয় দত্তৰ বৰ আকৰ্ষণ।জানিব পৰা মতে সঞ্জয়ৰ হাতত আছে একাধিক দামী, ব্ৰেণ্ডেড ঘড়ী।যি ঘড়ীৰ মূল্য প্ৰায় ১ কোটিটকা ৷
তেওঁৰ ঘড়ীসমূহ ইমানেই দামী যে সেই পৰিমাণৰ ধনেৰে এখন বিলাসী গাড়ী কিনিব পাৰি। তেওঁ পৰিধান কৰা এটা ঘড়ীৰ বজাৰ মূল্য ৯৫ লাখ ৫০ হাজাৰ । ইনষ্টাগ্ৰামত আপলোড কৰা এখন ফট’ আৰু ইয়াৰ বিৱৰণ অনুসৰি বলীউডৰ আটাইতকৈ আইকনিক ঘড়ীসমূহ সঞ্জয় দত্তৰ হাতত থকাৰ কথাটো অস্বীকাৰ কৰিব নোৱাৰি।
সঞ্জয় দত্তৰ জীৱনত বিতৰ্ক যিয়েই নহওক কিয় বৰ্তমান সময়ত তেওঁ এজন মৰমিয়াল স্বামী আৰু দায়িত্বশীল পিতৃ। সঞ্জয়ৰ ৩জন সন্তান। কন্যা ত্ৰিশালা প্ৰথম পত্নী ৰিচা শৰ্মাৰ কন্যা।ইফালে দ্বিতীয় পত্নী মন্যতা দত্তৰ দুই সন্তান। সঞ্জয়ে মান্যতা আৰু তেওঁলোকৰ সন্তানৰ সৈতে বৰ্তমান অতিবাহিত কৰিছে এক সুখী জীৱন।
শেহতীয়াকৈ সঞ্জয়ে নিশ্চিত কৰিছে যে তেওঁক কমেডী-ড্ৰামা ছবি ‘হেৰা ফেৰী ৩’ ছবিখনতো দেখা যাব।এই ছবিখনত পৰেশ ৰাৱাল, অক্ষয় কুমাৰ আৰু সুনীল শেট্টীকো দেখিবলৈ পাব দৰ্শকে ৷ ।