বলিউডৰ বাদশ্বাহ শ্বাহৰুখ খানৰ মুম্বাইস্থিত বাসগৃহ মন্নত তেওঁৰ অনুৰাগীৰ বাবে আকর্ষণৰ কেন্দ্ৰবিন্দু ৷ প্ৰায়ে নিজৰ ঘৰৰ বেলকনিৰ পৰা অনুৰাগীক আদৰণি জনাই অভিনেতাগৰাকীয়ে ৷ যাৰ বাবে প্ৰতিদিনে তেওঁৰ বাসগৃহত হাজাৰ হাজাৰ লোক গোট খোৱা পৰিলক্ষিত হয় ৷ এইবাৰ মন্নত পুনৰ চর্চিত হৈছে আন এটা বিশেষ কাৰণৰ বাবে ৷ শেহতীয়াকৈ মন্নতত লগোৱা হৈছে হীৰা সজ্জিত নামফলক। অনুৰাগীসকলে হীৰাখচিত নামফলকৰ সৈতে ফটো উঠা পৰিলক্ষিত হৈছে ৷ শ্বাহৰুখৰ ফেন ক্লাবসমূহে এই নতুন আকর্ষনীয় নামফলকৰ ছবি ছ’চিয়েল মিডিয়াত শ্বেয়াৰ কৰিছে ৷
উল্লেখ্য যে শ্বাহৰুখ খানক পৰিচালক সিদ্ধাৰ্থ আনন্দৰ পৰৱৰ্তী একচন থ্ৰিলাৰ ছবি ‘পাঠান’ত দীপিকা পাডুকন আৰু জন আব্ৰাহামৰ সৈতে দেখা যাব। ২০২৩ চনৰ ২৫ জানুৱাৰীত ছবিখনে ছবিগৃহত মুক্তি লাভ কৰিবলৈ সাজু হৈছে।
শেহতীয়াকৈ শ্বাহৰুখ খানৰ জন্মদিন উপলক্ষে ছবিখনৰ নিৰ্মাতাসকলে অফিচিয়েল টিজাৰ উন্মোচন কৰে যিয়ে দৰ্শকৰ পৰা ব্যাপক সঁহাৰি লাভ কৰে। ইয়াৰ উপৰিও তেওঁৰ তাপসী পান্নুৰ সৈতে পৰিচালক ৰাজকুমাৰ হিৰানীৰ পৰৱৰ্তী ‘ডুনকি’ আৰু পৰিচালক এটলীৰ পৰৱৰ্তী একচন থ্ৰিলাৰ ‘জোৱান’ত দেখা যাব ৷২০২৩ চনৰ ২৫ জানুৱাৰীৰ ঠিক পিছতেই শ্বাহৰুখৰ আন এখন নতুন ছবি ‘টাইগাৰ ৩’ৰ শ্বুটিঙৰ পৰিকল্পনা কৰা হৈছে।
