সামাজিক মাধ্যমত শেহতীয়াকৈ ভাইৰেল হৈ পৰিছে শ্বাহৰুখ খানৰ পুত্ৰ আৰিয়ান খানে মুম্বাইৰ নাইট ক্লাবত পাৰ্টিত অংশ গ্ৰহণ কৰাৰ ভিডিঅ’৷
যোৱা বছৰৰ ড্ৰাগছ-অন-ক্ৰূজ গোচৰত এনচিবিৰ পৰা ক্লিন চিট পোৱা শ্বাহৰুখ খানৰ পুত্ৰ আৰ্যন খানক অলপতে মুম্বাইত তেওঁৰ বন্ধুবৰ্গৰ সৈতে পাৰ্টী কৰা দেখা গ’ল ভিডিঅ’টোত।শেহতীয়াকৈ চহৰখনৰ এটা নাইট ক্লাবৰ পৰা তেওঁৰ এই ভিডিঅ’ সামাজিক মাধ্যমত ভাইৰেল হৈ পৰিছে ।
আৰ্যনৰ এজন অনুৰাগীয়ে ইনষ্টাগ্ৰামত তেওঁৰ এটা ভিডিঅ’ শ্বেয়াৰ কৰিছিল আৰু ভিডিঅ’টোৰ শিৰোনামটোত লিখা আছিল, “যোৱা নিশা এটা পাৰ্টিত আৰ্যন।” ভিডিঅ’টোত, ক’লা টি-চাৰ্ট পিন্ধা ২৪ বছৰীয়া যুৱকজনক এখন বাৰৰ কাষত থিয় হৈ থকা দেখা গৈছে ।
মুম্বাই ড্ৰাগছ অন ক্ৰূজ গোচৰ সন্দৰ্ভত যোৱা বছৰ অক্টোবৰত আৰ্যন খানক গ্ৰেপ্তাৰ কৰাৰ পিছত শ্বাহৰুখ আৰু তেওঁৰ পৰিয়ালৰ সদস্যসকলে অতি সাধাৰণ ভাৱে সামাজিক জীৱন যাপন কৰিছিল কিন্তু এতিয়া তেওঁলোকে ৰাজহুৱাভাৱে পুনৰ আগৰ দৰেই জীৱন যাপন কৰা আৰম্ভ কৰিছে ।
কেইমাহমান আগতে, আৰ্যনে তেওঁৰ ভগ্নী সুহানা খানক জয়া আখটাৰৰ ছবি ‘দ্য আৰ্চিছ’ৰ ছেটত সাক্ষাৎ কৰিছিল, যি ভাৰতীয় প্ৰেক্ষাপটত নিৰ্মিত ‘আৰ্চি কমিক্স’ৰ অভিযোজন। ছবিখনত সুহানাই কাহিনীটোৰ অন্যতম মুখ্য চৰিত্ৰ ভেৰোনিকাৰ চৰিত্ৰত অভিনয় কৰিছে। অৱশ্যে দুই ভাতৃ-ভগ্নীৰ ফটো সামাজিক মাধ্যমতো প্ৰকাশ পাইছিল। আৰ্যনে এই বছৰৰ আৰম্ভণিতে আই পি এল নিলামৰ সময়ত তেওঁৰ দেউতাক এছ আৰ কেকো প্ৰতিনিধিত্ব কৰিছিল। তেওঁ মুম্বাইৰ ৱানখেডে ষ্টেডিয়ামত অনুষ্ঠিত হোৱা এই বছৰৰ কলকাতা নাইট ৰাইডাৰৰ (কেকেআৰ) প্ৰথম খন আই পি এল মেচতো অংশগ্ৰহণ কৰিছিল।
উল্লেখ্য যে আৰ্যনে এতিয়া ষ্ট্ৰীমিং প্লেটফৰ্মৰ বাবে প্ৰকল্প লিখি আছে ৷আনহাতে এছআৰকেয়েও সঠিকভাৱে পুনৰ কাম আৰম্ভ কৰিছে। অনাগত সময়ত তেওঁক তিনিখন চলচ্চিত্ৰত দেখা যাব– পাঠান, জোৱান, ডাঙ্কি, যিঅহা বছৰ ছবিগৃহত মুক্তি পাব।
