ইজিপ্তত শ্বাহৰুখ খানৰ অনুৰাগীয়ে আগতীয়া পৰিশোধ অবিহনে ভাৰতীয় অধ্যাপকৰ বাবে বুকিং কৰি কয় ‘আপুনি এছআৰকেৰ দেশৰ’
বলিউড চুপাৰষ্টাৰ শ্বাহৰুখ খানৰ ইজিপ্তৰ অনুৰাগীৰ আশ্চৰ্য্যজনক কাৰ্য্যই এজন ভাৰতীয় অধ্যাপকৰ হৃদয় জয় কৰিছে। টুইটাৰৰ জৰিয়তে অশোক বিশ্ববিদ্যালয়ৰ অৰ্থনীতিৰ অধ্যাপক অশ্বিনী দেশপাণ্ডেই ইজিপ্তৰ এজন ট্ৰেভেল এজেণ্টৰ সৈতে হোৱা এক সাক্ষাতৰ কথা ইতিমধ্যে ব্যক্ত কৰিছে।
অশ্বিনীয়ে টুইট কৰিছিল, “ইজিপ্তৰ এজন ট্ৰেভেল এজেণ্টলৈ ধন স্থানান্তৰ কৰাৰ প্ৰয়োজন আছিল। স্থানান্তৰৰ সৈতে সমস্যা আছিল। কিন্তু তেওঁ কৈছিল: আপুনি এচ আৰ কেৰ দেশৰ পৰা আহিছে। মই আপোনাক বিশ্বাস কৰোঁ। মই বুকিং কৰিম, আপুনি মোক পিছত যেতিয়া যেনেকৈ পাৰে পৰিশোধ কৰিব পাৰিব । আন যিকোনো ঠাইৰ বাবে মই এইটো নকৰোঁ। কিন্তু এচ আৰ কেৰ বাবে সকলো সম্ভৱ ৷ এচ আৰ কে হৈছে (মুকুট ইমোজি)।এচ আৰ কে তেওঁৰ বাবে কি সেয়া বুজাবলৈ তেওঁ বাক্যটোৰ শেষত এটা মুকুটৰ ইম’জি ব্যৱহাৰ কৰিছিল
