উদীয়মান যুৱ ছবি নির্মাতা বিধু কোটাৰ নতুন থেছিছ ছবি ‘ফুল’ছ গোল্ড’ৰ অফিচিয়েল ট্ৰেইলৰ মুকলি কৰা হৈছে ৷ ইতিমধ্যে মুকলি কৰা ছবিখনৰ অফিচিয়েল ট্ৰেইলাৰে দর্শকৰ প্ৰশংসা বুটলিবলৈ সক্ষম হৈছে ৷
অফিচিয়েল ট্ৰেইলাৰ মুকলি কৰি ছবিখনৰ পৰিচালক বিধুৱে লিখিছে-“ এই ছবিখনৰ প্ৰাৰম্ভিক ধাৰণাৰে পৰা প্ৰায় ২ বছৰ ধৰি মই কাম কৰি আছো এই ছবিখনক বিশ্বৰ আগত মুকলি কৰি উৎসৱৰ দৌৰত আৰম্ভ কৰিবলৈ পাই মই অত্যন্ত উৎসাহিত হৈছো। এই ছবিখনত কাম কৰি মোৰ অবিশ্বাস্য অভিজ্ঞতা হৈছে আৰু এটা প্ৰতিভাৱান দলৰ সহায়ত মোৰ দৃষ্টিভংগীক বাস্তৱত পৰিণত কৰিবলৈ সক্ষম হৈছো ৷”ইংৰাজী ভাষাত নির্মাণ কৰা ছবিখনে শীঘ্ৰে ছবিগৃহত মুক্তি লাভ কৰিব ৷ উল্লেখ্য যে বিধু কোট অসম চৰকাৰৰ মুখ্য সচিব ৰবি কোটাৰ পুত্ৰ ৷
