ইংৰাজী নৱ-বৰ্ষ ২০২৩ৰ আৰম্ভণিতে অৰ্থাৎ জানুৱাৰী মাহতে দাক্ষিণাত্যৰ বহুকেইখন ছবিয়ে মুক্তিলাভ কৰিব , য’ত দক্ষিণৰ কেইবাগৰাকীও জনপ্ৰিয় তাৰকাক দেখা পোৱা যাব। একে সময়তে মাত্ৰ কেইদিনমানৰ ব্যৱধানত বক্স অফিচত প্ৰতিযোগিতা চলিব দক্ষিণৰ ৪-৫ গৰাকী তাৰকাৰ। কিয়নো প্ৰায় ২-৩ বছৰৰ ব্যৱধানত এইবাৰ মুক্তি লাভ কৰিব এই জনপ্ৰিয় তাৰকাসকলৰ ছবিসমূহে ।
জানোচোন আহক কোনদিনা মুক্তি পাব দাক্ষিণাত্যৰ জনপ্ৰিয় অভিনেতা থালাপথী বিজয়, চিৰঞ্জীৱী, অজিত কুমাৰ, বালকৃষ্ণণ আৰু অন্যান্য জনপ্ৰিয় তাৰকাসমূহৰ ছবিসমূহে ৷
- অহা ১১ জানুৱাৰীত মুক্তি লাভ কৰিব ছুপাৰষ্টাৰ অজিত কুমাৰৰ ছবি ‘থুনিভু’এ। ছবিখনত অজিতৰ সৈতে মুখ্য চৰিত্ৰত অভিনয় কৰিছে মঞ্জু ৱাৰিয়ৰ, সমুথিৰাকানী, প্ৰেম কুমাৰ আৰু অজয়ে। ছবিখনৰ লেখক-পৰিচালক এইচ বিনোথ। আনহাতে ছবিখনৰ প্ৰযোজনা বনী কাপুৰৰ।
- ১২ জানুৱাৰীত মুক্তি লাভ কৰিব নন্দমুৰি বালকৃষ্ণৰ একচন ছবি ‘বীৰ সিম্বা ৰেডি’য়ে । এই ছবিখনৰ পৰিচালক গোপীচণ্ড মালিনেনী। বালকৃষ্ণই ছবিখনত দ্বৈত চৰিত্ৰত অভিনয় কৰিছে। ছবিখনত মুখ্য চৰিত্ৰত অভিনয় কৰিছে জনপ্ৰিয় অভিনেত্ৰী শ্ৰুতি হাছান, দুনিয়া বিজয়, লাল, হানি ৰোজ আৰু বৰালক্ষ্মী সাৰথকুমাৰে।
- বালকৃষ্ণৰ সৈতে বক্স অফিচত প্ৰতিদ্বন্দ্বিতা কৰিবলৈ তেওঁৰ ছবি ‘ৱাৰিছু’ৰ সৈতে সাজু হৈছে থালাপতি বিজয়৷ । ১২ জানুৱাৰীত মুক্তি পাবলগীয়া ছবিখনৰ পৰিচালক বামশী পাইডিপাল্লী। ছবিখনত মুখ্য চৰিত্ৰত অভিনয় কৰিছে বিজয় ৰাজেন্দ্ৰন, ৰশ্মিকা মণ্ডনা, এ সাৰথকুমাৰ আৰু প্ৰকাশ ৰাজে।
- একে সময়তে ১২ জানুৱাৰীত মুক্তি লাভ কৰিব পৰিচালক সুনীল মহীশূৰৰ ছবি ‘অৰ্কেষ্ট্ৰা মহীশূৰ’এ। ছবিখনত মুখ্য চৰিত্ৰত অভিনয় কৰিছে পূৰ্ণচন্দ্ৰ ময়ছুৰু আৰু ৰাজালক্ষ্মীয়ে।
- দক্ষিণাত্যৰ ছবিৰ মেগাষ্টাৰ চিৰঞ্জীৱী অভিনীত ছবি ‘ ৱালটাইৰ বীৰাইয়া’ই অহা ১৩ জানুৱাৰীত ছবিগৃহত মুক্তিলাভ কৰিব । ছবিখনত চিৰঞ্জীৱীৰ সৈতে মুখ্য চৰিত্ৰত অভিনয় কৰিছে ৰবি তেজা, সত্যৰাজ, প্ৰকাশ ৰাজ আৰু শ্ৰুতি হাছানে। ইফালে একচন কমেডী ছবিখন মুক্তি পোৱাৰ এদিন পিছত অৰ্থাৎ ১৪ জানুৱাৰীত মুক্তি পাব শিৱনী ৰাজেখৰ আৰু ৰাহুল বিজয়ৰ ছবি ‘বিদ্যা বসুলা অহমে’।
- ১৬ জানুৱাৰীত মুক্তি পাব শিৱাজী সুৰথকাল ২। ছবিখনত মুখ্য চৰিত্ৰত অভিনয় কৰিছে ৰমেশ ঔৰবিন্দোৱে। তেওঁলোকৰ উপৰিও ছবিখনত নাছীৰ, মেঘনা গাংৱকাৰ, ৰাধিকা নাৰায়ণ, আৰাধ্যা চন্দ্ৰ, পূৰ্ণচন্দ্ৰ মহীশূৰ, ৰঘু ৰমংকোপ্পা, বিনায়ক যোশী, ৰমেশ ভাট আদিয়েও অভিনয় কৰিছে। ছিৰিয়েল কিলাৰৰ আধাৰত নিৰ্মাণ কৰা হৈছে এইখন ছবি।
- আমিৰ পল্লিকল পৰিচালিত ছবি ‘আয়েছা’ই মুক্তি লাভ কৰিব ২০২৩ বৰ্ষৰ ২০ জানুৱাৰীত । ছবিখনত মুখ্য চৰিত্ৰত অভিনয় কৰিছে মঞ্জু ৱাৰিয়ৰে । তেওঁৰ সৈতে ছবিখনত গুৰুত্বপূৰ্ণ ভূমিকাত আছে ৰাধিকা, সজনা আৰু পূৰ্ণিমাও । উল্লেখযোগ্য যে এই ছবিখনত কেইগৰাকীমান বিদেশী তাৰকাকো দেখা পোৱা যাব।
- আনহাতে নৱবৰ্ষৰ ২৬ জানুৱাৰীৰ দিনটোত মুক্তি লাভ কৰিব কানাড়া অভিনেতা দৰ্শনৰ ছবি ‘ক্ৰান্তি’এ। ছবিখনত অভিনয় কৰিছে ৰচিতা ৰাম আৰু ৰবিচন্দ্ৰনে। ভাৰতীয় শিক্ষাৰ আধাৰত নিৰ্মিত একচন ড্ৰামা ‘ক্ৰান্তি’ ।
