আৰম্ভ হ’ল তিৱা চলচ্চিত্ৰ মহোৎসৱ , প্ৰদর্শিত হ’ব কেইবাখনো তিৱা ছবি

আজিৰে পৰা  আৰম্ভ হৈছে তিৱা চলচ্চিত্ৰ মহোৎসৱ-২০২৪। দাঁতি চহৰী সাংস্কৃতিক সমন্বয় সমিতিৰ উদ্যোগত অনুষ্ঠিত কৰা হৈছে এই মহোৎসৱ ৷ ৬ আৰু ৭ জানুৱাৰী এই দুদিনীয়া কাৰ্য্যসূচীৰে নগাঁও জিলাৰ আমচৈৰ বুঢ়াৰজাগাঁও খেলপথাৰত এই মহোৎসৱ অনুষ্ঠিত হৈছে

কাৰ্য্যসূচী অনুসৰি মহোৎখনিৰ শুভ উদ্বোধন কৰিব  অভিনেত্ৰী আইমী বৰুৱাই। অনুষ্ঠানত অতিথিৰূপে উপস্থিত থাকিব দুৰদৰ্শন কেন্দ্ৰ তথা আকাশবাণীৰ প্ৰাক্তন উপ-সঞ্চালক দেৱেন্দ্ৰ বসুমতাৰী। আনহাতে মুখ্য অতিথিৰ আসন অলংকৃত কৰিব সাংস্কৃতিক সঞ্চালকালয়ৰ প্ৰাক্তন সঞ্চালক মুকুল ৰাভাই।

‘ফায়াৰ অন এডজ’ নামৰ চুটি ছবিখনৰে আৰম্ভ কৰা হ’ব তিৱা চলচ্চিত্ৰ মহোৎসৱ-২০২৪ শীৰ্ষক অনুষ্ঠান। ছবিখন পৰিচলনা কৰিছে প্ৰণৱজ্যোতি ডেকা আৰু সুজিত দেৱবাৰ্মাই। তদুপৰি  ‘চলমা’ ‘ক্ৰমৰ’ড’ ‘ছিকাইছল’ ধৰি কেইবাখনো ছবি প্ৰদর্শিত হ’ব মহোৎসৱত ৷