পিতৃ চৈফ আলী খান আৰু কন্যা চাৰা আলী খানক একেলগে পর্দাত দেখিব নে দর্শকে ? ইয়াৰ পূৰ্বেও কেইবাবাৰো একেখন ছবিতে চৈফ আলী খান আৰু চাৰা আলী খানক চৰিত্ৰৰ প্ৰস্তাৱ দিয়া হৈছে। কিন্তু চৈফ মান্তি নহ’ল। তেওঁ কয় যে তেওঁ উপযুক্ত সময়ৰ বাবে অপেক্ষা কৰি আছে। কিন্তু অনুৰাগীয়ে আৰু অপেক্ষা কৰিব নালাগে। কাৰণ, দৰ্শকে অতি সোনকালে পিতৃ-কন্যাৰ যুটি পর্দাত উপভোগ কৰিব পাৰিব।
কিন্তু আমোদজনক কথাটো হ’ল যে তেওঁলোকে কোনো ছবিতে একেলগে অভিনয় কৰা নাই। ই কোনো ৱেব ছিৰিজও নহয়। আচলতে চৈফ-চাৰাই এড ফিল্মত অভিনয় কৰিছে । শ্বুটিং ফ্ল’ৰৰ পৰা ছবি নেটডুনিয়াত ভাইৰেল হৈছে। সেই ছবিখনত কয়দীৰ কাপোৰ পিন্ধি দেখা গৈছিল চৈফক । অন্যহাতে চাৰাই পুলিচৰ ইউনিফৰ্ম পিন্ধি আছিল ছবিখনত ।
কন্যাৰ লগত তেওঁ বিজ্ঞাপন ছবিখনত কাম কৰাৰ কথা স্বীকাৰ কৰিছে চৈফে । শুকুৰবাৰে সংবাদ মাধ্যমৰ আগত তেওঁ কয় “ আমি সপ্তাহটোৰ আৰম্ভণিতে একেলগে এটা বিজ্ঞাপনৰ কাম কৰিছিলো। মই ভাবো আমাৰ দুয়োকে দেখি ভাল পাব।” তেওঁ কয় যে তেওঁলোকে এটা বীমা কোম্পানীৰ বাবে বিজ্ঞাপনটো শ্বুট কৰিছিল।
