বলিউডৰ সুদর্শন অভিনেতা সকলৰ অন্যতম হৈছে বৰুণ ধাৱন ৷ অভিনেতাজনৰ আছে কোটি কোটি অনুৰাগী ৷ বহু যুৱতীৰ বাবে বৰুণ ধাৱান সপোনৰ পুৰুষ ৷ কিন্তু বৰুণ ধাৱানৰ বাবেও আছে সপোনৰ নাৰী ৷ কিছু বছৰ পূর্বে নিজৰ শৈশৱৰ বান্ধৱীৰ সৈতে বিবাহ পাশত আৱদ্ধ হোৱা বৰুণ এসময়ত প্ৰেমত পৰিছিল এগৰাকী বিখ্যাত টেনিছ তাৰকাৰ ৷ শেহতীয়াকৈ তেও এটা সাক্ষাৎকাৰত প্ৰকাশ কৰা অনুসৰি টেনিছ তাৰকা ছানিয়া মির্জাৰ প্ৰতি তেওঁ অত্যাধিক আকর্ষিত হৈছিল ৷
এক সাক্ষাৎকাৰত বৰুণে কয় -“মই মুকুল আনন্দৰ দলত মেড প্ৰডাকচনৰ এটা বিজ্ঞাপনত কাম কৰি আছিলো য’ত ছানিয়া মিৰ্জাও আছিল। আমি ৩০০ জোতা ল’ব লাগিছিল। মই লিংকিং ৰোডলৈ গৈ ৩০০ জোতা ভাড়া লৈছিলো।তেওঁ মোক আপেল আনিবলৈ কৈছিল ৷ মই আনি দিছিলো ৷ মই তেওঁক আপেল দিয়াৰ সময়ত কপিব ধৰিছিলো ৷ “
বৰুণে বৰ্তমান তেওঁৰ নতুন ছবি বেড়িয়াৰ প্ৰচাৰ চলাই আছে। অমৰ কৌশিকৰ পৰিচালনাত নিৰ্মিত বেড়িয়া হৈছে এখন ভৌতিক কমেডী। মেডক ফিল্মছৰ প্ৰযোজনা নির্মিত ছবিখনত কৃতি ছানন, অভিষেক বেনাৰ্জী আৰু দীপক ডোব্ৰিয়াল আদিয়েও অভিনয় কৰিছে। ২৫ নৱেম্বৰত হিন্দী, তেলেগু, আৰু তামিল ভাষাত ছবিখনে মুক্তি পাব।
শেহতীয়াকৈ গোৱাত চলি থকা ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱত বৰুণে অনুষ্ঠান পৰিৱেশন কৰিছিল। ২৮ নৱেম্বৰলৈকে চলিবলগীয়া এই মহোৎসৱত বেড়িয়াও প্ৰদৰ্শন কৰা হ’ব। ছবিখনত জানহৱী কাপুৰেও অভিনয় কৰিছে। চলিত বৰ্ষৰ আৰম্ভণিতে তেওঁ অনিল কাপুৰ, কিয়াৰা আদবানী আৰু নীতু কাপুৰৰ সৈতে জুগজুগ জীয়’ত অভিনয় কৰিছিল।
