বৰ্তমান সময়ত সমগ্ৰ ভাৰতৰ এক জনপ্ৰিয় ৰিয়েলিটি শ্ব’ ‘বিগ বছ ১৬’ যি আজিকালি অনুৰাগীক যথেষ্ট মনোৰঞ্জন দিবলৈ সক্ষম হৈছে ।বিশেষকৈ বলীউড চুপাৰষ্টাৰ ছলমান খানে পৰিচালনা কৰা বাবে এই শ্ব’ অধিক জনপ্ৰিয় ।অভিনেতা গৰাকীৰ শ্ব’ পৰিচালনা কৰাৰ শৈলীয়ে তেওঁৰ অনৰগী সকলক সদায় আকৰ্ষিত কৰে ৷ এই ছিজনতো চুপাৰষ্টাৰ ছলমান খানে নিজৰ আকৰ্ষণীয় ষ্টাইলেৰে দৰ্শকক মনোৰঞ্জন দিছে যদিও শেহতীয়াকৈ জানিব পৰা মতে অনাগত খণ্ডবোৰত ছলমানক দেখা পোৱা নাযায় এই জনপ্ৰিয় ৰিয়েলিটি শ্ব’ত ।
বিগ বছ আৰু ছলমান খানৰ অনুৰাগীসকলৰ বাবে ই নিশ্চয়কৈ অতি বেয়া খবৰ । সামাজিক মাধ্যমত শ্ব’টোৰ সৈতে জড়িত এটা পে’জত প্ৰকাশ পোৱা এটি আপডেট মতে অনাগত সময়ত বিগ বছ ১৬ৰ ‘উইকেণ্ড কা ৱাৰ’ খণ্ডসমূহ পৰিচালনা নকৰে ছলমান খানে । কিন্তু চলমান অনুৰাগী সকলৰ বাবে এটা ভাল খবৰটো হ’ল যে শ্ব’টোৰ চূড়ান্ত খণ্ডটো পৰিচালনা কৰিব চুপাৰষ্টাৰ গৰাকীয়ে ।কিন্তু ইয়াৰ মাজৰ সময়ছোৱাত এই শ্ব পৰিচালনা কৰিব আন এগৰাকী বলীউড পৰিচালক কৰণ জোহৰে ।অৱশ্যে কৰণে ইয়াৰ পূৰ্বেও এই অনুষ্ঠানটো পৰিচালনা কৰিছে
যেতিয়াই ছলমান খানৰ কিবা কাম থাকে তেতিয়াই তেওঁ শ্ব’টোৰ দায়িত্ব কৰণক অৰ্পণ কৰে। বিগ বছ ১৬ৰ আৰম্ভণিতে ছলমান অসুস্থ হৈ পৰাৰ সময়তো এই অনুষ্ঠানটোৰ হোষ্টিং কৰিছিল কৰণে। অহা সপ্তাহৰ পৰা এই শ্ব’ত জনপ্ৰিয় অভিনেতা ছলমান খানৰ ঠাইত দেখা যাব কৰণ জোহৰকহে।
