দুদিন পূর্বে অভিনেত্ৰী নুছৰত ভাৰুচাৰ সৈতে হাতত হাত ধৰি নাইট ক্লাবৰ সন্মুখত দেখা গৈছিল ৰেপাৰ হানী সিঙক । মায়ানগৰীত দুয়োৰে মাজৰ প্ৰেমৰ সম্পর্কক লৈ বিভিন্ন বাতৰি বিয়পি পৰিছে একে সময়তে হানীৰ প্ৰাক্তন প্ৰেমিকা টিনা থাডানীয়ে শিৰোনাম দখল কৰিছে। ২০২২ চনৰ শেষৰ ফালে দুয়োজনে ইজনে সিজনৰ প্ৰেমত পৰিছিল। পত্নীৰ সৈতে বিচ্ছেদ হোৱাৰ পিছত হানী টিনাৰ মাজত সম্পর্ক গঢ় লৈ উঠে । শেহতীয়াকৈ টিনাৰ সৈতে হানীৰ সম্পৰ্কত ফাট মেলিছে ৷
টিনাই অৱশ্যে ব্ৰেকআপৰ বিষয়ে মুকলিকৈ ক’বলৈ অনিচ্ছুক। টিনাৰ চকুত স্পষ্ট হৈ পৰিছে যে হানীৰ লগত ব্ৰেকআপ হোৱাৰ পাছত তেওঁৰ জীৱনত যথেষ্ট প্ৰভাৱ পৰিছে। আনহাতে, টিনাৰ সৈতে হোৱা বিচ্ছেদক ৰাজহুৱাভাৱে মানি লৈছে গায়কগৰাকীয়ে। শেহতীয়াকৈ দিয়া এক সাক্ষাৎকাৰত তেওঁ কয় যে টিনাৰ সৈতে তেওঁৰ আৰু কোনো সম্পৰ্ক নথকাৰ বাবে তেওঁৰ নতুন এলবাম ‘ৰোমান্টিক ডান্স ৰোমাঞ্চ’ৰ কাম বন্ধ কৰিবলগীয়া হৈছিল।
আনহাতে, হানীৰ সৈতে নুছৰতক দেখি দৰ্শক আচৰিত হয়। কাৰণ, যোৱা বছৰৰ শেষৰ ফালে হানীয়ে ৰাজহুৱাভাৱে টিনাৰ সৈতে তেওঁৰ সম্পৰ্ক প্ৰকাশ কৰিছিল। ছচিয়েল মিডিয়াতো ছবি পোষ্ট কৰিছিল। এটা অনুষ্ঠানত হানী আৰু টিনাকো হাতে হাত ধৰি খোজ কাঢ়ি থকা দেখা গৈছিল। গতিকে হানীক নুছৰতৰ সৈতে দেখা পাই অনুৰাগীৰ প্ৰশ্ন, “এই দুয়োজনে আকৌ কেতিয়াৰ পৰা প্ৰেম আৰম্ভ কৰিলে?”, কিন্তু ইয়াৰ উত্তৰ এতিয়াও স্পষ্ট নহয় ৷
