ওজন কমাবলৈ পুষ্টিবিদসকলে খাদ্যৰ তালিকাত ফল ৰাখিবলৈ পৰামর্শ প্ৰদান কৰি আহিছে ৷ কিয়নো আপুনি ওজন কমাব বিচাৰে তেন্তে ব্যায়াম আৰু কঠোৰ খাদ্যাভ্যাসৰ নিয়ম মানি চলিলেই যথেষ্ট নহয়। আপুনি আপোনাৰ খাদ্য তালিকাত কি ৰাখে সেয়াও অতি গুৰুত্বপূৰ্ণ।
স্লিমিং ফেজত ফল খোৱাৰ কোনো বিকল্প নাথাকে। আপেলৰ পৰা তিয়হলৈ – বহু ফলে দ্ৰুতভাৱে ওজন কমাব পাৰে। এই সকলোবোৰ ফলৰ তালিকাত আঙুৰে বিশেষ স্থান পোৱা নাই। যদি আপুনি ওজন হ্ৰাস কৰিব বিচাৰে তেন্তে আঙুৰৰ দৰে মিঠা ফলৰ পৰা আঁতৰি থকাটোৱেই ভাল বুলি বহুতে ভাবি আহিছে ৷অৱশ্যে শেহতীয়াকৈ কৰা এক অধ্যয়নত ইয়াৰ বিপৰীত তথ্য প্ৰকাশ পাইছে। গৱেষকসকলৰ মতে যদি কোনোবাই অধিক চৰ্বিজাতীয় খাদ্য খোৱাৰ অভ্যাস আছে তেন্তে দৈনন্দিন খাদ্যত আঙুৰক নিশ্চয় অন্তৰ্ভুক্ত কৰিব পাৰি। কাৰণ আঙুৰত থকা পলিফিনলে শৰীৰত চৰ্বি জমা হ’বলৈ নিদিয়ে।
এই গৱেষণাৰ ফলাফল জাৰ্নেল অৱ নিউট্ৰিচনেল বায়’কেমিষ্ট্ৰীত প্ৰকাশ পাইছে। দুয়োটা গৱেষণাৰ পৰা দেখা গৈছে যে আঙুৰত থকা পলিফিনলে সংপৃক্ত চৰ্বিজাতীয় খাদ্য খোৱাৰ ফলত হোৱা ক্ষতি ৰোধ কৰিব পাৰে। চৰ্বিযুক্ত খাদ্য খোৱাটো একাংশৰ অভ্যাস।
গৱেষণাৰ মতে যদি খাদ্যৰ ৩ শতাংশ আঙুৰ হয় আৰু তেওঁ ১১ সপ্তাহলৈকে এই কথা মানি চলে তেন্তে শৰীৰৰ চৰ্বি জমা হোৱাৰ হাৰ হ্ৰাস পাব পাৰে। লগতে আঙুৰত থকা পলিফিনলে আন্ত্ৰিক অংশত উপকাৰী বেক্টেৰিয়া বৃদ্ধি কৰাত সহায় কৰে বুলি কোৱা হয়। সেই পলিফিনলৰ লগতে কিছুমান ক্ষতিকাৰক বেক্টেৰিয়াৰ সংখ্যাও হ্ৰাস কৰে। ফলত হজম শক্তি ভাল হয় আৰু চৰ্বি জমা নহয়।
আঙুৰক ওজন কমাব পৰা খাদ্যত অন্তৰ্ভুক্ত কৰিব পাৰি নেকি সেই সম্পৰ্কে আন এক অধ্যয়ন কৰা হৈছে। এই অধ্যয়নত গৱেষকসকলে অংশগ্ৰহণকাৰীসকলক ১৬ সপ্তাহৰ বাবে উচ্চ চৰ্বিযুক্ত খাদ্য প্ৰদান কৰিছিল। খাদ্যত আছিল চেচুৰেটেড ফেট, মাখন। তাৰ লগত আঙুৰ পৰিবেশন কৰা হৈছিল। এই ক্ষেত্ৰতো দেখা গৈছে যে আঙুৰ খোৱাৰ ফলত তেওঁলোকৰ শৰীৰত চৰ্বিৰ জমা হোৱাৰ মাত্ৰা বহু পৰিমাণে হ্ৰাস পাইছে। আঙুৰত থকা পলিফিনলে শৰীৰত চৰ্বি জমা হোৱাত বাধা দিয়ে আৰু লগতে অতিৰিক্ত চৰ্বি সেৱনৰ ফলত হ’ব পৰা সমস্যাৰ সম্ভাৱনাও হ্ৰাস কৰে।
