পেছাদাৰী মল্লযোদ্ধা দলীপ সিং ৰাণা ওৰফে দ্য গ্ৰেট খালীয়ে আজি ভাৰতীয় জনতা পাৰ্টিত যোগদান কৰে। পঞ্জাৱ বিধানসভা নিৰ্বাচনৰ কেইদিনমান আগতে দ্য গ্ৰেট খালীয়ে দলটোত যোগদান কৰাটো তাৎপর্যপূর্ণ হিচাপে বিবেচিত হৈছে ৷ পঞ্জাৱত অহা ১৪ ফেব্ৰুৱাৰীৰ পৰা ভোটগ্ৰহন অনুষ্ঠিত হ’ব ৷ খালি আজি পুৱাই দিল্লীৰ বিজেপিৰ মুখ্য কাৰ্যালয়ত উপস্থিত হয় ৷ দুপৰীয়া ১ বজাত এক অনুষ্ঠানত তেওঁ দলত যোগদান কৰে ৷
উল্লেখ্য যে খালীয়ে ২০ চনত পেছাদাৰী কুস্তিত আত্মপ্ৰকাশ কৰিছিল। ডব্লিউ ডব্লিউ ই কেৰিয়াৰ আৰম্ভ কৰাৰ আগতে তেওঁ পঞ্জাৱ আৰক্ষীৰ বিষয়া হিচাপে কমৰৰত হৈ আছিল ৷ তেওঁ ডব্লিউ ডব্লিউ ইৰ চেম্পিয়নৰ খিতাপো লাভ কৰিছিল ৷ তদুপৰি তেওঁ চাৰিখন হলীউডৰ আৰু দুখন বলীউডৰ ছবিতো অভিনয় কৰিছে।
