অহা ২৯ আগষ্টত অসম আৰু ত্ৰিপুৰা ভ্ৰমণলৈ আহিব বিজেপিৰ ৰাষ্ট্ৰীয় সভাপতি জেপি নড্ডা ৷ উক্ত দিনটোত শাসক দলটোৰ ৰাষ্ট্ৰীয় সভাপতি গৰাকীয়ে ভ্ৰমণ কৰিব উত্তৰ পূৰ্বাঞ্চলৰ দুই ৰাজ্য ৷ আনহাতে ২৯ আগষ্টৰ দিনা জে পি নড্ডাই মুকলি কৰিব বিজেপিৰ উত্তৰ-পূৰ্বাঞ্চলৰ মুখ্য কাৰ্যালয় ৷
গুৱাহাটী মহানগৰীৰ উজানবজাৰত নিৰ্মাণ কৰি থকা হৈছে বিজেপিৰ উত্তৰ-পূৰ্বাঞ্চলৰ মুখ্য কাৰ্যালয়টো ৷ ‘পদ্ম ভৱন’ নামেৰে নামাকৰণ কৰা বিজেপিৰ এই কাৰ্যালয় উদ্বোধন কৰাৰ পিছতেই বিজেপি দলৰ উত্তৰ-পূৰ্বাঞ্চলৰ শীৰ্ষ নেতৃত্বৰ সৈতে আলোচনাত বহিব ৰাষ্ট্ৰীয় সভাপতি জেপি নড্ডা ৷ এই বৈঠকত উত্তৰ পূৰ্বাঞ্চলৰ বিজেপিৰ সাংসদ সকলৰ লগতে উপস্থিত থাকিব উত্তৰ-পূবৰ বিজেপি শাসিত ৰাজ্যসমূহৰ মুখ্যমন্ত্ৰীসকল ৷
