কেনেকৈ এই আকৰ্ষণীয় মৌ-চাক তৈয়াৰ কৰিবলৈ সক্ষম হয় এই বিশেষ প্ৰজাতিৰ মৌ-মাখি?

বিশ্ব-ব্ৰহ্মাণ্ডত থকা কোটি কোটি প্ৰাণীয়ে ভিন ভিন ধৰণে নিজৰ থকা স্থান নিৰ্মাণ কৰে ৷ মৌ-মাখি বিলাকেও গছত নাইবা আন স্থানত মৌ-চাক তৈয়াৰ কৰা আমি সাধাৰণতে দেখা পাওঁ ৷ কিন্তু এক বিশেষ প্ৰজাতিৰ মৌ-মাখিয়ে  বিশেষ ধৰণে তৈয়াৰ কৰা বাহৰ বিষয়ে আমি বহুতেই হয়তো অৱগত নহয় ৷

কেম্ব্ৰিজ বিশ্ববিদ্যালয়, ইউনিভাৰ্চিটি ডি গ্ৰেনাডা আৰু ইউনিভাৰ্চিটি অৱ ভেটেৰিনেৰী মেডিচিন ভিয়েনাৰ গৱেষকৰ এটা দলে আৱিষ্কাৰ কৰিছে যে কেনেকৈ সৰ্পিল আকৃতিত ওখ বাহ সাজিবলৈ সক্ষম হয় কিছুমান বিশেষ ধৰণৰ দংশনহীন মৌমাখি । জাৰ্নেল অৱ দ্য ৰয়েল ছ’চাইটি ইন্টাৰফেচত প্ৰকাশিত তেওঁলোকৰ গৱেষণা পত্ৰখনত গোটটোৱে এই মৌমাখিয়ে কেনেকৈ সিঁহতৰ বাহ  সৃষ্টি কৰিব পাৰে সেই বিষয়ে স্পষ্টকৈ বৰ্ণনা কৰিছে।

২০১৮ চনত অষ্ট্ৰেলিয়াৰ স্থানীয় টেট্ৰাগ’নুলা কাৰ্বনেৰিয়া নামৰ এই দংশনহীন মৌমাখিয়ে সৃষ্টি কৰা সৰ্পিল মৌচাক (ব্ৰুড কম্ব)ৰ ছবি ইণ্টাৰনেটত ভাইৰেল হৈছিল আৰু  মৌমাখিবোৰে এনেকুৱা আকৰ্ষণীয় বাহ  সৃষ্টি কৰাৰ ক্ষমতাই মানুহক আপ্লুত কৰিছিল। সেই সময়ত বিজ্ঞানীসকলেও এই দৃশ্য দেখি তবধ মানিছিল যে এই মৌ-মাখিবোৰে কেনেকৈ  ইমান সহজে ইমান আচৰিত  সৃষ্টি কৰিব পাৰে।

অৱশ্যে ভালদৰে নিৰীক্ষণ কৰাৰ পিছত দেখা গ’ল যে মৌমাখিবোৰে ষড়ভুজ আকৃতিত নিজৰ কোষবোৰ সৃষ্টি কৰাৰ  পিছত ৰিগাৰ্জেটেড খাদ্য অৰ্থাৎ  ইঁহতে এবাৰ  খোৱা খাদ্য মুখেৰে উলিয়াই  ইয়াত যোগ  কৰিছিল আৰু তাৰ পিছত ৰাণীয়ে কোষটোত এটা কণী জমা কৰিছিল।  অতি সহজ এলগৰিদম প্ৰয়োগ কৰি এনে আৰ্হি সৃষ্টি কৰিব পৰা যায় বুলি গম পোৱাৰ পিছত গৱেষকসকলেও অষ্ট্ৰেলিয়াৰ এই মৌমাখিবোৰৰ প্ৰতি  বিশেষভাৱে মনোযোগ দিছিল ।

মৌমাখিবোৰে একেধৰণৰ এলগৰিদম ব্যৱহাৰ কৰিছিল নেকি সেইটো জানিবলৈ গৱেষকসকলে কম্পিউটাৰত ইহঁতৰ বৈশিষ্ট্য আৰু আচৰণৰ আৰ্হি প্ৰস্তুত কৰি ইহঁতৰ বাহ নিৰ্মাণৰ আচৰণৰ অনুকৰণ কৰিছিল। এনে কৰি তেওঁলোকে আৱিষ্কাৰ কৰিলে যে মৌমাখিবোৰে দুটা অতি সহজ নিয়ম মানি চলি অতি সহজেই এই গঠন সৃষ্টি কৰিব পাৰে।  গৱেষকসকলে লক্ষ্য কৰিলে যে এনে এলগৰিদম অনুসৰণ কৰা মৌমাখিয়ে নিজৰ বাবে  যিমান ওখকৈ মন যায় বাহ সাজিব পাৰে, যাৰ ফলত ইহঁতে ২০টা স্তৰৰ বাহ সাজিবলৈ সক্ষম হয়।

আনহাতে শেহতীয়াকৈ সামাজিক মাধ্যম টুইটাৰতো ভাইৰেল হৈ পৰিছে ‘চাইন্স গাৰ্ল’ নামৰ টুইটাৰ হেণ্ডেলৰ পৰা আপলোড কৰা দুখন ফট’ ৷টিম হাৰ্ডৰ কেমেৰাত বন্দী হোৱা ফটোদুখন শে্বেয়াৰ কৰি তেওঁ লিখিছে যে  টেট্ৰাগ’নুলা প্ৰজাতিৰ মৌমাখিয়ে ঘড়ীৰ কাঁটাৰ দিশত ঘূৰণীয়া  ওখ বাহ নিৰ্মাণ কৰ ৷বছৰ বছৰ ধৰি  ইহঁতে নিৰ্মাণ কৰা  এই জ্যামিতি  সঁচাকৈয়ে আচৰিত ধৰণৰ ৷

Bees of the genus Tetragonula construct tall nests that spiral clockwise, their geometry astonishing for years

similar mathematical algorithms appear in how mollusks make nacre (mother of pearl and how crystals form in a spiral

📸 Tim Heard pic.twitter.com/dmVrjlsN2G

— Science girl (@gunsnrosesgirl3) January 22, 2023