২৪ জুলাইত পৃথিৱীৰ কাষেৰে পাৰ হৈ যাব বিশাল উল্কাপিণ্ড

মাৰ্কিন মহাকাশ সংস্থা ‘নাছা’ই জনাইছে যে অহা ২৪ জুলাইত পৃথিৱীৰ নিচেই কাষেৰে পাৰ হৈ যাব এটা বিশাল উল্কাপিণ্ড। 

‘২০০৮ জি অ’ ২০’ হিচাপে নামকৰণ কৰা এই গ্রহাণুটো এপ’ল’ শ্ৰেণীৰ আৰু ই আকাৰত তাজমহলতকৈ ৩গুণ ডাঙৰ। 

ঘণ্টাত ১৮ হাজাৰ মাইল বেগেৰে অৰ্থাৎ প্ৰতি চেকেণ্ডত ৮ কিলোমিটাৰ বেগেৰে ই পৃথিৱী অভিমুখে আহি আছে বুলি নাছাৰ জ্যোতির্বিজ্ঞানীয়ে সদৰী কৰিছে৷ 

অৱশ্যে আমেৰিকান মহাকাশ গৱেষণা সংস্থা নাছাই পৃথিৱীবাসীৰ বাবে আশংকাৰ কাৰণ নাই বুলি ঘোষণা কৰিছে৷

নাছাৰ বিজ্ঞানীসকলৰ মতে পৃথিৱীক এই গ্রহাণুটোৱে ২৪ জুলাইত অতিক্রম কৰিব৷ পৃথিৱীৰ অতিক্ৰম কৰোতে ইয়াৰ দূৰত্ব হ’বগৈ ০.০৪ এ ইউ অৰ্থাৎ ৩৭,১৮,২৩২ মাইল। গ্রহাণুটোক পৃথিৱীৰ সমীপৱর্তী গ্রহাণু বুলি চিহ্ণিত কৰা হৈছে৷