জীৱ বিজ্ঞানীসকলে শেহতীয়াকৈ দক্ষিণ আৰ্জেণ্টিনাত ক্ৰেটেচিয়াছ যুগৰ ডাইনোচৰৰ অৱশেষ আৱিষ্কাৰ কৰিছে ৷ তেওঁলোকৰ মতে পিছফালৰ ভৰিৰ ওপৰত পোনকৈ খোজ কঢ়া ই সম্ভৱতঃ প্ৰায় ১০০ নিযুত বছৰ আগতে তেতিয়াৰ বাষ্পীয় দৃশ্যপটত ঘূৰি ফুৰা এটা প্ৰাণী আছিল ।
জাকপিল কানিউকুৰা নামৰ ক্ৰেটেচিয়াছ যুগৰ এই ডাইনোচৰটো আছিল প্ৰায় ৫ ফুট (১.৫ মিটাৰ) দীঘল আৰু ইয়াৰ ওজন মাত্ৰ ৯ ৰ পৰা ১৫ পাউণ্ড (৪-৭ কিগ্ৰা) যি দেখাত এটা ঘৰুৱা মেকুৰীৰ দৰে।
ৰিঅ’ নিগ্ৰো প্ৰদেশৰ লা বুইট্ৰেৰা পেলোণ্টোলজিকেল অঞ্চলৰ পাটাগোনিয়াৰ এটা বান্ধৰ ওচৰত যোৱা এক দশকত ইয়াৰ জীৱাশ্মযুক্ত অৱশিষ্টবোৰ খনন কৰা হৈছিল। আনহাতে বিজ্ঞানীসকলে বৈজ্ঞানিক প্ৰতিবেদন বিষয়ক এক আলোচনীত প্ৰকাশিত এক অধ্যয়নত জাকপিলৰ বৰ্ণনা কৰিছিল।
বিজ্ঞানীসকলে কৈছিল যে জাকপিল দক্ষিণ আমেৰিকাৰ ক্ৰেটেচিয়াছৰ যুগৰ প্ৰথম ডাইনোচৰ । ই থাইৰোফোৰান ডাইনোচৰ গোটৰ এটা অংশ , যি ইয়াৰ হাড়ৰ পিছফালৰ প্লেট আৰু তীক্ষ্ণ নেজৰ বাবে জনাজাত ।
মুখ্য জীৱবিজ্ঞানী চেবাষ্টিয়ান আপেষ্টেগুয়া আৰু তেওঁৰ সহকৰ্মীসকলে জাকপিলৰ এটা আংশিক কংকাল আৰু লগতে ১৫ টা দাঁতৰ টুকুৰা পাইছিল য’ত ইগুয়ানা পাতৰ দৰে আকৃতিৰ দাঁত উদ্ধাৰ কৰা হৈছিল।
আপেষ্টেগুয়াই কৈছিল যে দক্ষিণ গোলাৰ্ধৰ কোনো ঠাইত এনে ধৰণৰ থাইৰোফোৰান আগতে কেতিয়াও খন্দা হোৱা নাছিল।আনহাতে বিজ্ঞানীসকলে কয় যে ই দক্ষিণ আমেৰিকাৰ ক্ৰেটেচিয়াছ যুগৰ ডাইনোচৰৰ প্ৰথম আৱিষ্কাৰ চিহ্নিত কৰে
