কেউফালে কেৱল আৰু কেৱল ভোগৰ উৎসৱ ভোগালীৰ উৎসাহ-উদ্দীপনা ৷ সকলো ব্যস্ত ভোগালীৰ ভোগত ৷ পিছ পৰি থকা নাই ৰাজ্যৰ মন্ত্ৰী-বিধায়ককে আদি কৰি মুখ্যমন্ত্ৰী গৰাকীও ৷ ভোগালীৰ উৰুকা উদযাপনৰ বাবে সাজু হৈছে মুখ্যমন্ত্ৰী গৰাকীও ৷ নিজৰ টুইটাৰ হেণ্ডেলত উৰুকাৰ ভোজৰ বাবে লাভ কৰা উপহাৰৰ সৈতে এখন ফট’ আপলোড কৰি মুখ্যমন্ত্ৰী গৰাকীয়ে জনালে এই কথা ৷
আজি উৰুকা উপলক্ষে অসম ৰাজ্যিক মীন উন্নয়ন নিগমৰ অধ্যক্ষ শ্ৰী গুৰুজ্যোতি দাসে মুখ্যমন্ত্ৰী ড০ হিমন্ত বিশ্ব শৰ্মাক উপহাৰ দিলে মাছ আৰু বিহুৰ পিঠা ৷ সেয়েহে সামাজিক মাধ্যম টুইটাৰত এখন সুন্দৰ ফটো টুইট কৰি ১৩.৫ কেজি ওজনৰ বাহু মাছ, ১০.৫ কেজিৰ চিতল মাছ আৰু চুঙা পিঠা উপহাৰ দিয়াৰ বাবে অসম ৰাজ্যিক মীন উন্নয়ন নিগমৰ অধ্যক্ষ শ্ৰী গুৰুজ্যোতি দাসক ধন্যবাদ জ্ঞাপন কৰিলে অসমৰ মুখ্যমন্ত্ৰী গৰাকীয়ে ।
লগতে মীন উন্নয়ন নিগমৰ অধ্যক্ষ শ্ৰী গুৰুজ্যোতি দাসৰ লগতে নিগমৰ সমগ্ৰ কৰ্মচাৰীক যাঁচিলে ভোগালী বিহুৰ শুভেচ্ছা ।
Thankful to Shri Gurujyoti Das, Chairman of Assam State Fishery Development Corporation, for gifting me a 13.5-kg Bhokuwa fish, a 10.5-kg Sitol fish and Chunga Pithas.
My Bhogali Bihu wishes to him and entire staff of the Corporation. pic.twitter.com/mQ8C9oPBMU
— Himanta Biswa Sarma (@himantabiswa) January 14, 2023
