ভাৰতৰ ৰাজধানী দিল্লী, যি বহু ঐতিহাসিক স্থানেৰে ভৰা । ইয়াত একাধিক ঐতিহাসিক ঠাই আছে যাৰ আছে নিজা কিছু পৃথক কাহিনী । মোগল যুগৰ বেছিভাগ অট্টালিকাই দিল্লীত অৱস্থিত ৷দেশৰ ৰাজাধানী চহৰ দিল্লীত এটা অট্টালিকা আছে যি প্ৰায় ৫০০ বছৰ পুৰণি ৷ কিন্তু ইয়াক কোনো মোগল শাসকে নিৰ্মাণ কৰা নাছিল ৷ এই অট্টালিকা নিৰ্মাণ কৰিছিল চুৰি ৰাজবংশৰ তদানীন্তন সম্ৰাট শ্বেৰ শ্বাহ চুৰীয়ে ।
হিন্দু ইতিহাস অনুসৰি, এই দুৰ্গ ইন্দ্ৰপ্ৰস্থ নামৰ ঠাইত অৱস্থিত ৷ মহাভাৰতৰ যুগৰো আগৰ প্ৰায় ৫০০০ বছৰ পুৰণি যি এসময়ত পাণ্ডৱৰ বিশাল ৰাজধানী আছিল। কোৱা হয় যে এই দুৰ্গতেই , হুমায়ুনে চিৰিৰ পৰা পৰি মৃত্যু বৰণ কৰিছিল। এই দুৰ্গটোত তিনিটা খিলানযুক্ত প্ৰৱেশদ্বাৰ আছে, যাৰ ভিতৰত আছে পশ্চিমৰ ডাঙৰ দুৱাৰ , দক্ষিণত হুমায়ুনৰ দুৱাৰ আৰু তালুকি দ্বাৰ। এই তিনিখন প্ৰৱেশদ্বাৰেই দুমহলীয়া, যাৰ দুয়োফালে বুৰ্জ, বাৰান্দা আৰু মণ্ডপো আছে, যি এই দুৱাৰবোৰক অধিক আকৰ্ষণীয় কৰি তোলে।
পাণ্ডৱৰ এই দুৰ্গটোক পুৰণি দুৰ্গ বুলি কোৱা হয় ৷ দিল্লীত অৱস্থিত এই পুৰণি কিল্লাটোৰ আছে এক আশ্চৰ্যকৰ ইতিহাস । এই অঞ্চলত পৰ্যটকৰ সমাগম যথেষ্ট হোৱা দেখা যায়।আনহাতে ইয়াত প্ৰতি সন্ধিয়া এক বিশাল ‘শব্দ আৰু পোহৰ প্ৰদৰ্শনী’ৰ আয়োজন কৰা হয়। ইয়াক দিল্লীৰ আটাইতকৈ ডাঙৰ দূৰ্গ বুলিও গণ্য কৰা হয়। দিল্লীৰ আটাইতকৈ পুৰণি হোৱাৰ বাবে, ইয়াক পুৰাণ কিলা বুলিও কোৱা হয়। অৱশ্যে, ইয়াৰ প্ৰকৃত নাম বাঘৰ দুৰ্গ, যাক বহুতে পাণ্ডৱৰ দুৰ্গ বুলিও কয়।
বহুলোকে এই দূৰ্গটো মহাভাৰতৰ সময়ৰ বুলি কয়।এই পুৰণি দুৰ্গটোৰ ওচৰত কুন্তী দেৱীৰ এটা মন্দিৰ আছে যি মন্দিৰ মাতা কুন্তীয়ে ইয়াত বাস কৰিবলৈ অহাৰ সময়ত নিৰ্মাণ কৰিছিল বুলি কোৱা হয় ৷
যদি আপুনিও ইয়ালৈ যোৱাৰ পৰিকল্পনা কৰিছে, তেন্তে বন্ধৰ দিনবোৰত আপুনি সহজেই এই পুৰণি দুৰ্গলৈ যাব পাৰে। ই দিল্লী চিৰিয়াখানাৰ ওচৰত অৱস্থিত।
