ৰাষ্ট্ৰীয় কিক বক্সিং খেলত বিহাপাৰাৰ মহিদুলৰ স্বর্ণ পদক জয়

ৰঙিয়া ৰেল জংচনত বিপুল আদৰণি খেলুৱৈজনক গঞাঁ ৰাইজৰ । উজনিমুৱা কামৰূপ এক্সপ্ৰেছ ৰেলযোগে ৰঙিয়াত উপস্থিত হ’লহি খেলুৱৈজন । ৰাষ্ট্ৰীয় কিক বক্সিং খেলত ৰঙিয়াৰ নিকটৱৰ্তী বিহাপাৰাৰ মহিদুলৰ স্বর্ণ পদক জয় ।
মহাৰাষ্ট্ৰৰ পুণেত অনুষ্ঠিত ৰাষ্ট্ৰীয় কিক বক্সিং প্রতিযােগিতাৰ ফাইনেল খেলত অসম দলৰ প্রতিযােগী মহিদুল ইছলামে সােণৰ পদক লাভ কৰিবলৈ সক্ষম হৈছে ।ৱাক ইণ্ডিয়া নেচনেল কিক বক্সিং চেম্পিয়নশ্বিপ প্রতিযােগিতাৰ ১৬-১৮ বছৰ শিতানৰ ৫৬ কিলােগ্রাম শাখাত ৰঙিয়া আৰিমত্ত বিদ্যাপীঠৰ ছাত্ৰ মইদুলে স্বর্ণ পদকেৰে অসমলৈ গৌৰৱ কঢ়িয়াই আনে । মইদুলৰ এনে সফলতাত সমগ্র অঞ্চলতে আনন্দই বিৰাজ কৰে । এই সফলতাত গৌৰৱাম্বিত তেওঁৰ প্ৰশিক্ষক, পিতৃ-মাতৃ,পৰিয়ালৰ লগতে গাঁওবাসী । এই সফলতাৰ বাবে মহিদুল ইছলামক বহুজনে অভিনন্দন জ্ঞাপন কৰাৰ লগতে ৰঙিয়া ষ্টেচনৰ পৰা এক সমদল কৰি গৃহাভিমুখে আদৰি নিয়ে ।