সদ্য সমাপ্ত লক্ষ্ণৌৰ চৌক ষ্টেডিয়ামত অনুষ্ঠিত হোৱা ১৮ বছৰ অনুৰ্ধ্ব ৰাষ্ট্ৰীয় জু-জিৎসু চেম্পিয়নশ্বিপত অসমৰ নগাঁও জিলাৰ ৫গৰাকী খেলুৱৈয়েয়ে পদক অৰ্জন কৰিছে ৷ জিলাখনৰ ৬গৰাকী খেলুৱৈয়ে অংশগ্ৰহণ কৰিছিল ৷ গ্ৰেটাৰ জু-জিৎসু সন্থাই নগাঁও বাইপাছৰ ডেষ্টিনী ৰিৰ্জটত অনুষ্ঠিত হোৱা সভাত পদক অৰ্জন কৰা খেলুৱৈসকলক উষ্ণ আদৰণি জনায় ৷
সন্থাৰ নগাঁৱৰ সভাপতি অৰূপ কুমাৰ শইকীয়াৰ সভাপতিত্ব অনুষ্ঠিত হোৱা সভাখনত দলটোৰ নেতৃত্বত যোৱা প্ৰশিক্ষক তথা গ্ৰেটাৰ জু-জিৎসু সন্থাৰ নগাঁৱৰ সম্পাদক ৰিকু কটকী লগতে খেলুৱৈ ৰতন টিমুং(গল্ড মেডল,১০ বছৰৰ অনুর্ধ ল’ৰা),মাধূর্য্য মৌচম পাটৰ(ব্ৰঞ্জ মেডেল ,১০ বছৰৰ অনুধ্ব), প্ৰাচূয্য প্ৰতীম বৰা(ব্ৰঞ্জ মেডেল,১২ বছৰৰ অনুধ্ব), নিহাৰিকা বৰা (ব্ৰঞ্জ মেডেল ২টা শাখা ত,১৬ অনুধ্ব ছোৱালী),ষষ্ঠী মনি ডেকা (ব্ৰঞ্জ মেডেল,১৬ অনুধ্ব ছোৱালী)ৰ কন্টেক্ট ফাইটিং শাখাত পদক অৰ্জন কৰা এই খেলুৱৈসকলক সম্বৰ্ধনা জনোৱা হয়।
সন্থাৰ উপদেষ্টা ব্ৰজেন কাকতি, কোষাধ্যক্ষ ভাস্কৰ জ্যোতি বৰা, প্ৰশিক্ষক ৰাজ নায়ক , প্ৰশিক্ষক হীৰক দাস প্ৰচাৰ সম্পাদক তথা জেষ্ঠ সাংবাদিক মানৱ জ্যোতি বৰাৰ লগতে খেলুৱৈসকলৰ অভিভাৱকসকল উপস্থিত আছিল।
