নিউজিলেণ্ডৰ বিৰূদ্ধে অনুষ্ঠিত হ’বলগীয়া দুখনীয়া টেষ্ট মেচ ছিৰিজৰ বাবে আজি ভাৰতীয় ঘোষণা কৰিছে বি চি চি আইয়ে। নিউজিলেণ্ডৰ বিৰুদ্ধে অনুষ্ঠিত হবলগীয়া প্রথমখন টেষ্টত ভাৰতীয় দলটোক নেতৃত্ব দিব আজিংক্য ৰাহানেই।
দ্বিতীয় খন টেষ্ট মেচত দলটোক নেতৃত্ব দিব বিৰাট কোহলিয়ে। অৱশ্যে নতুনকৈ টি ২০ দলৰ অধিনায়কৰ দায়িত্ব লাভ কৰা অপেনাৰ ৰোহিত শৰ্মা, উইকেটকীপাৰ ৰিচভ পন্ট,বলাৰ জচপ্ৰীত বুমৰাহ আৰু মহম্মদ ছামীক জিৰণি প্রদান কৰা হৈছে। টেষ্ট মেচৰ দলটোত উপ অধিনায়ক হিচাপে থাকিব চেতেশ্বৰ পূজাৰা। আনহাতে, কে এছ ভাৰত আৰু ঋদ্ধিমান সাহা উইকেটকীপাৰ হিচাপে থাকিব।
মিডল অৰ্ডাৰ বেটচমেন হিচাপে দীৰ্ঘদিনৰ মূৰত দললৈ প্ৰত্যাৱৰ্তন ঘটিছে শ্ৰেয়াছ আয়াৰৰ। প্ৰথমখন মেচ অহা ২৫নবেম্বৰত পুনেত অনুষ্ঠিত হ’ব। অহা তিনি ডিচেম্বৰৰ পৰা মুম্বাইত দ্বিতীয়খন টেষ্ট মেচ আৰম্ভ হ’ব। টেষ্ট মেচৰ পাছতে নিউজিলেণ্ডৰ বিৰূদ্ধে তিনিখন টি২০মেচ খেলিব ভাৰতীয় দলটোয়ে।
