আমেৰিকাত উপস্থিত হৈ বিচলিত ভাৰতীয় দল, অনুশীলনৰ ব্যৱস্থাত অসন্তুষ্ট ৰোহিত শর্মা

আমেৰিকাত অনুষ্ঠিত হ’বলগীয়া টি-২০ বিশ্বকাপৰ প্ৰস্তুতি আৰম্ভ কৰিছে ভাৰতীয় দলটোৱে। বুধবাৰৰ পৰা চলি আছে অনুশীলন। কিন্তু আমেৰিকাত অনুশীলনৰ ব্যৱস্থাত সুখী নহয় ৰোহিত শৰ্মা। অতি মৌলিক সঁজুলিৰে অনুশীলন কৰিবলগীয়া হোৱাৰ অভিযোগ উত্থাপন কৰিছে ৰাহুল দ্ৰাবিড়ে।

এইবাৰ টি-২০ বিশ্বকাপৰ আয়োজন কৰিছে আমেৰিকা আৰু ৱেষ্ট ইণ্ডিজে। আমেৰিকাত অনুষ্ঠিত হ’ব ভাৰতৰ মেচ। গতিকে ৰোহিতে আমেৰিকাত অনুশীলন কৰি আছে। জানিব পৰা মতে, খেলপথাৰক লৈ ভাৰতীয় দলটো সুখী নহয়। অভিযোগ অনুসৰি খেলপথাৰৰ পৰা আৰম্ভ কৰি সুবিধাসমূহলৈকে সকলো অস্থায়ী। যাৰ গুণগত মান বৰ ভাল নহয়। সেইবাবেই অভিযোগ কৰিছে ভাৰতীয় দলটোৱে।

দুমাহ ধৰি আই পি এল খেলাৰ পিছত এইবাৰ ভাৰতীয় দলৰ হৈ খেলিছে ৰোহিতে। ২ জুনৰ পৰা আৰম্ভ হ’ব টি-২০ বিশ্বকাপ। ৫ জুনত ভাৰতৰ  প্ৰথমখন খেল। সেই মেচখন হ’ব আয়াৰলেণ্ডৰ বিৰুদ্ধে। অহা ৯ জুনত পাকিস্তানৰ বিৰুদ্ধে ভাৰতে খেলিব। ইয়াৰ উপৰিও আমেৰিকা (১২ জুন) আৰু কানাডা (১৫ জুন)ৰ বিৰুদ্ধে ভাৰতৰ মেচ আছে।

আই পি এলত হাৰ্দিক পাণ্ডিয়া একেবাৰেই ফৰ্মত নাছিল। দেশৰ জাৰ্চি পিন্ধি ফৰ্মলৈ ঘূৰি আহিবলৈ তেওঁ অনুশীলন আৰম্ভ কৰিছে ৷ ৰোহিত আৰু সূৰ্যকুমাৰ যাদৱকো দীৰ্ঘদিন ধৰি বেটিং কৰা দেখা গৈছে। তেওঁলোকক বলিং কৰে কুলদীপ যাদৱ, ৰবীন্দ্ৰ জাদেজা, যশপ্ৰীত বুমৰাহ আৰু হাৰ্দিকে ।