শনিবাৰে এছ এ এফ চেম্পিয়নশ্বিপৰ ছেমি ফাইনেলত লেবাননৰ বিৰুদ্ধে খেলিব ভাৰতে । তাৰ আগতে ভাৰতীয় দলটোলৈ আহিছে ৷পাঁচ বছৰৰ পাছত তেওঁলোকে ফিফাৰ ৰেংকিঙত প্ৰথম ১০০ টা স্থানত প্ৰৱেশ কৰে। আন্তঃমহাদেশীয় কাপৰ ফাইনেলত ভাৰতে লেবাননক পৰাস্ত কৰে। এটা ৰেংকিং পইণ্ট হেৰুৱাই পেলায়। সেইবাবেই ভাৰতে ১০০ নম্বৰ স্থানলৈ উন্নীত হৈছে ৷ ভাৰতৰ পাছতেই আছে লেবানন। এই খবৰৰ সন্দৰ্ভত ভাৰতৰ প্ৰশিক্ষক ইগ’ৰ ষ্টিমাচে কয়, ‘মই সুখী। কিন্তু অনাগত দিনত আমি এই স্থান ধৰি ৰাখিব লাগিব।”
জুন মাহত ভাৰতে ৫খন খেলত জয়লাভ কৰাৰ বিপৰীতে ৭খন খেলৰ ভিতৰত দুখন খেলত পৰাস্ত হৈছিল। ফলত তেওঁলোকে ৪.২৪ ৰেংকিং পইণ্ট লাভ কৰে। এছিয়ান ফুটবল কনফেডাৰেচনতো ১৮ নম্বৰ স্থানত আছে। চলিত মাহৰ শেষৰ ফালে অনুষ্ঠিত হ’ব বিশ্বকাপৰ কোৱালিফায়াৰৰ ড্ৰ’। এই স্থান সলনিৰ প্ৰভাৱ পৰিব পাৰে। এই লেবাননৰ বিৰুদ্ধে ছাফ কাপত খেলিব লাগিব সুনীল ছেত্ৰীয়ে। কিন্তু ৰেংকিং পইণ্টৰ ক্ষেত্ৰত লেবাননতকৈ ৩.১৬ পইণ্ট আগবাঢ়ি থকাৰ বাবে ভাৰতে বিশেষ অসুবিধাৰ সন্মুখীন নহ’ব।
বিশ্বকাপৰ অৰ্হতাৰ দ্বিতীয় ৰাউণ্ডত চাৰিটা দলৰ ৯টা গ্ৰুপ আছে। প্ৰতিটো গ্ৰুপৰ পৰা শীৰ্ষ দুটা দলে তৃতীয় ৰাউণ্ডলৈ আগবাঢ়িব। দ্বিতীয় পটত থকাৰ বাবে ভাৰতে তৃতীয় ৰাউণ্ডলৈ আগবাঢ়িবলৈ বহুত সহজ হৈ পৰিব। তৃতীয় ৰাউণ্ডত ছটা দলৰ তিনিটা গ্ৰুপত অনুষ্ঠিত হ’ব মেচ। প্ৰতিটো গ্ৰুপৰ পৰা শীৰ্ষ দুটা দলে পোনপটীয়াকৈ বিশ্বকাপৰ বাবে যোগ্যতা অৰ্জন কৰিব।
