টি-২০ বিশ্বকাপ সমাগত । তাৰ আগতে ভাৰতীয় দলৰ বাবে ভাল খবৰ। দলটোৰ দুই ক্ৰিকেটাৰ আর্শদীপ সিং আৰু অক্ষৰ পেটেলে আইচিচিৰ ৰেংকিঙত স্থান লাভ কৰিছে ৷
টি-২০ বলাৰৰ তালিকাত এখোজ ওপৰলৈ উঠিছে অক্ষৰ। চতুৰ্থ স্থানৰ পৰা তিনি নম্বৰলৈ উন্নীত হৈছে তেওঁ। অক্ষৰৰ ৰেটিং হৈছে ৬৬০। বলাৰৰ তালিকাত ১৯ নম্বৰ স্থানত আছিল আর্শদ্বীপ। তিনিটা স্থান আগুৱাই তেওঁ ১৬ নম্বৰত স্থান লাভ কৰিছে ৷ এই বাওঁহাতৰ পেচাৰগৰাকীৰ ৰেটিং হৈছে ৬০৭।
শীৰ্ষ দহৰ ভিতৰত স্থান লাভ কৰিছে আন এজন ভাৰতীয় বলাৰে। তেওঁ হৈছে ৰবি বিষ্ণয়। তেওঁ এখোজ আগুৱাই পাঁচ নম্বৰত স্থান লাভ কৰিছে ৷ তেওঁৰ ৰেটিং হৈছে ৬৫৯। শীৰ্ষ দহৰ ভিতৰত থাকিলেও এই লেগ স্পিনাৰজনে ভাৰতৰ টি-২০ বিশ্বকাপ দলত স্থান লাভ কৰা নাই ৷
বেটছমেনৰ তালিকাত শীৰ্ষ স্থানত আছে সূৰ্যকুমাৰ যাদৱ। শীৰ্ষ দহৰ ভিতৰত থকা আন এজন ভাৰতীয় বেটছমেন হৈছে যশস্বী জয়ছোৱাল। অল ৰাউণ্ডাৰৰ শীৰ্ষ দহৰ তালিকাত একমাত্ৰ হাৰ্দিক পাণ্ডিয়াই স্থান লাভ কৰিছে । অষ্টম স্থানত আছে হার্দিক।
