সোমবাৰে নিশা ৰিয়েল মাদ্রিদত যোগদান কৰে কাইলিয়ান এমবাপে৷ সুদক্ষ ফুটবলাৰ এমবাপে পাঁচটা ছিজনৰ বাবে যোগদান কৰিছে ৰিয়েল মাদ্ৰিদত ৷ ইয়াৰ পাছতে প্ৰকাশ পাইছে ৰিয়েল মাদ্ৰিদত ফুটবলাৰ গৰাকীয়ে লাভ কৰিবলগীয়া পাৰিশ্ৰমিকৰ পৰিমান ৷
পেৰিছ চেণ্ট জাৰ্মেইনত থকাৰ সময়ত এমবাপে বছৰি ৭২ লাখ ইউৰো বা ৬৫৫ কোটি লাভ কৰিছিল। ৰিয়েল মাদ্রিদত বছৰি ১৫ লাখ ইউৰো বা ১৩৬ কোটি টকা লাভ কৰিব তেওঁ ৷
কিন্তু কেবল এই দৰমহাই নহয়, আন এক বিশাল পৰিমানৰ ধনো তেওঁ ৰিয়েল মাদ্ৰিদৰ পৰা লাভ কৰিব ৷ ৰিয়েল মাদ্রিদে চুক্তিবদ্ধ উপহাৰ হিচাপে লাভ কৰিব ১০ কোটি ইউৰো বা ৯০৯ কোটি টকা তেওঁ লাভ কৰিব ৷ ইয়াৰ উপৰিও তেওঁৰ ফটোৰ ৮০ শতাংশ অধিকাৰ লাভ কৰিব। ৰিয়েলে লাভ কৰিব মাত্ৰ ২০ শতাংশ। কম টকাতে ৰিয়েললৈ আহিবলৈ সন্মত হয় এমবাপে। ইয়াৰ পিছতো তেওঁ ক্লাবৰ আটাইতকৈ দামী ফুটবলাৰ হিচাপে পৰিগণিত হ’ব।
ইয়াৰ উপৰিও এমবাপে ফ্ৰান্সৰ জাতীয় দল বা পি এছ জিৰ বাবে ১০ নম্বৰৰ জাৰ্চি পিন্ধে। কিন্তু ৰিয়েল মাদ্রিদত সেই জার্চি পিন্ধিছে লুকা মড্ৰিচে। গতিকে এমবাপে নতুন ক্লাবত ৯ নম্বৰৰ জাৰ্চি পৰিধান কৰিব । সংবাদ মাধ্যমৰ মতে তেওঁ ১০ নম্বৰৰ জাৰ্চি বিচৰা নাছিল। এই জাৰ্চি পূৰ্বে কৰিম বেনজেমাই পিন্ধিছিল। মড্ৰিচ আৰু এবছৰ ক্লাবত থাকিব। ফলত এমবাপে কমেও এবছৰ ৯ নম্বৰৰ জাৰ্চি পিন্ধি খেলিব লাগিব।
