এতিয়াৰ পৰা ফুটবল তাৰকা লিয়নেল মেছিক বিশ্ববাসীয়ে দেখা পাব নতুন জাৰ্ছি নম্বৰত। ঠিকনা সলনি কৰি মেছিয়ে ১০ নম্বৰ পৰিৱৰ্তে পিন্ধিব ৩০ নম্বৰৰ নতুন জাৰ্ছি।
বিশ্বৰ ক্ৰীড়া প্ৰেমীৰ মাজৰ তীব্ৰ উৎকণ্ঠাৰ অন্ত পেলাই অৱশেষত নতুনকৈ চুক্তিবদ্ধ হোৱা ক্লাৱৰ নাম ঘোষণা কৰিলে বিশ্বখ্যাত ফুটবলাৰ গৰাকীয়ে।
আন্তঃৰাষ্ট্ৰীয় খেলৰ পৃথিৱীত দুভৰিৰ যাদুৰে ক্ৰীড়াপ্ৰেমীক মোহাচ্ছন্ন কৰি ৰখা ফুটবলাৰ গৰাকীয়ে প্যাৰিছ ছেণ্ট জাৰ্মেইনৰ সৈতে এটা বছৰত ৩৫ মিলিয়ন ইউৰোত দুবছৰৰ বাবে চুক্তিবদ্ধ হৈছে।
পূৰ্বে বাৰ্চিলোনা ক্লাৱৰ হৈ খেলা আৰ্জেন্টাইন ফুটবল তাৰকা গৰাকীয়ে বাৰ্চিলোনাৰ পৰা আনুষ্ঠানিকভাৱে বিদায় লোৱাৰ মুহুৰ্ত্বত কান্দি উঠা দেখা গৈছিল।
২১ টা বছৰ বাৰ্চিলোনাৰ হৈ খেলা ফুটবলাৰ গৰাকীক ক্ৰীড়াপ্ৰেমীয়ে দেখা পাইছিল ১০ নম্বৰ জাৰ্ছিত । এতিয়া নতুন ক্লাৱত খেলুৱৈ গৰাকীয়ে পিন্ধিব ৩০ নম্বৰ জাৰ্ছি।
ঠিকনা সলনি হলেও দুভৰিৰ যাদু প্ৰত্যক্ষ কৰিবলৈ উৎকণ্ঠিত হৈ পৰিছে বিশ্বৰ অগণন ফুটবলপ্ৰেমী।
উল্লেখ যোগ্য যে যোৱা ১১ জুনৰ পৰা ১০ জুলাইলৈকে অনুষ্ঠিত হোৱা কোপা ফুটবল কাপত আৰ্জেন্টিনা চেম্পিয়ন হোৱাৰ লগতে মেছিয়ে লাভ কৰিছিল বহু প্ৰত্যাশিত সোণৰ জোতা।
