ক্ৰীড়া বিশ্বত নিজৰ জয়যাত্ৰা অব্যাহত ৰাখিছে অসম কন্যা লাভলিনা বৰগোঁহাইয়ে ৷ এছিয়ান গেমছত পদক নিশ্চিত কৰিবলৈ সক্ষম হৈছে লাভলিনা ৷ আজি কোর্ৱার্টাৰ ফাইনেলত অনায়সে জয়লাভ কৰে লাভলিনাই ৷ টকিঅ’ অলিম্পিকৰ ব্ৰঞ্জৰ পদক বিজয়ী বক্সাৰ গৰাকীয়ে ৭৫ কিলোগ্ৰাম শাখাত আধিপত্যশীল শ্ব’ দেখুৱাই কোৱাৰ্টাৰ ফাইনেলৰ যুঁজখনত ৫-০ পইন্টত জয়লাভ কৰে ৷ দক্ষিণ কোৰিয়াৰ ছুয়েন চেঙৰ বিৰুদ্ধে জয়লাভ কৰে লাভলিনাই ।
এছিয়ান গেমছত পদক নিশ্চিত হ’লেও লাভলিনাই এতিয়াও অলিম্পিকলৈ যোগ্যতা লাভ লাভ কৰিব পৰা নাই কিয়নো ৬৬ কেজি আৰু ৭৫ কিলোগ্ৰাম শাখাত সোণ আৰু ৰূপৰ পদক লাভ কৰা বক্সাৰসকলেহে এই দুটা শাখাত অলিম্পিকলৈ যোগ্যতা অৰ্জন কৰে ৷ পৰৱর্তী সময়ত ছেমি ফাইনেলত অৱতীর্ণ হ’ব লাভলিনা ৷
