দ্বিতীয়বাৰৰ বাবে পিতৃ হ’ব নেইমাৰ। বুধবাৰে এখন ফটো পোষ্ট কৰি এই খবৰ ঘোষণা কৰে ব্ৰাজিলৰ ফুটবলাৰগৰাকীয়ে। তেওঁৰ প্ৰেমিকা ব্ৰুণা বিয়ানকার্ডি গৰ্ভৱতী। প্ৰেয়সীৰ সৈতে নেইমাৰে ফটো আপলোড কৰি এই কথা ঘোষণা কৰিছে । নেইমাৰৰ ইতিমধ্যে এটা পুত্ৰ সন্তানৰ পিতৃ ৷ নেইমাৰৰ ডেভি লুকা নামৰ পুত্ৰৰ বয়স ১১ বছৰ।
বুধবাৰে নেইমাৰে কয় “আমি আপোনাৰ কথা ভাবিছিলো। মই তোমাক পৃথিৱীলৈ অনাৰ পৰিকল্পনা কৰিছিলো। আপুনি আহিলেই আমাৰ মৰম সম্পূৰ্ণ হ’ব। আমাৰ জীৱনটো আনন্দৰে ভৰি পৰিব। আপুনি বৰ ধুনীয়া পৰিয়াল এটালৈ আহি আছে। তাত তোমাৰ দাদা, আইতা, পেহী, খুড়াইয়ো অপেক্ষা কৰি আহিছে ৷ ইতিমধ্যে তেওঁলোকেও তোমাক ভাল পাবলৈ আৰম্ভ কৰিছে। সোনকালে আহা , আমি অপেক্ষা কৰি আছো।”
নেইমাৰৰ প্ৰথম সন্তানৰ মাতৃ কেৰ’লিনা ডান্টাছ বুলি দাবী কৰা হৈছে। তেওঁ নেইমাৰৰ প্ৰাক্তন প্ৰেমিকা। ২০২১ চনৰ পৰা ব্ৰুনাৰ সৈতে নেইমাৰৰ সম্পৰ্ক চলি আহিছে । যদিও ২০২২ চনৰ জানুৱাৰী মাহৰ আগতে তেওঁলোকে সেই সম্পৰ্ক স্বীকাৰ কৰা নাছিল। সেই বছৰতে তেওঁলোকৰ সম্পৰ্ক বিচ্ছিন্ন হোৱাৰ উৰাবাতৰি প্ৰচাৰ হৈছিল। নেইমাৰে সেই প্ৰেমিকাখনৰ সৈতে সন্তানৰ আগমনৰ খবৰ প্ৰকাশ কৰিছে ৷
ব্ৰাজিলৰ নেইমাৰে পেৰিছ চেণ্ট জাৰ্মেইনৰ হৈ ক্লাব ফুটবল খেলে। তাৰ আগতে তেওঁ বাৰ্চিলোনাত খেলিছিল। ২০০৯ চনত নেইমাৰে ছান্টোছৰ হৈ প্ৰথমটো পেছাদাৰী ফুটবল খেলিছিল। ২০১৩ চনত বাৰ্চিলোনালৈ গৈছিল। নেইমাৰে তাত চাৰি বছৰ লিয়নেল মেছিৰ সৈতে খেলিছিল। বাৰ্চিলোনা এৰি ২০১৭ চনত পি এছ জিলৈ যায়। পেৰিছ ক্লাবৰ হৈ ফ্ৰান্সৰ লীগত ১১২খন খেলত ৮২টা গ’ল দিছিল নেইমাৰে।
