বৃহস্পতিবাৰে পুৱা ৰোহিত শৰ্মা নেতৃত্বাধীন টীম ইণ্ডিয়াই আগন্তুক আই চি চি পুৰুষৰ টি-২০ বিশ্বকাপত অংশ লোৱাৰ বাবে অষ্ট্ৰেলিয়ালৈ ৰাওনা হয়। যোৱা বছৰ ছেমি ফাইনেলত প্ৰৱেশ কৰিব নোৱাৰা ২০০৭ চনৰ চেম্পিয়ন দভাৰতে এই বছৰ খিতাপ জয়ৰ বাবে চেষ্টা কৰিব। বিশ্বকাপৰ পূৰ্বে টীম ইণ্ডিয়াই নিজ নিজ দ্বিপাক্ষিক শৃংখলাত অষ্ট্ৰেলিয়া আৰু দক্ষিণ আফ্ৰিকাক পৰাস্ত কৰিবলৈ সক্ষম হৈছে ৷ এই ফর্ম টি-২০তো অব্যাহত থাকিব বুলি আশা কৰা হৈছে ৷ বিচিচিআইৰ অফিচিয়েল ছ’চিয়েল মিডিয়া হেণ্ডেলত টি-২০ বিশ্বকাপৰ বাবে যাত্ৰা কৰা টিম ইণ্ডিয়াৰ দলটোৰ এখন ছবি পোষ্ট কৰা হৈছে।
Picture perfect 📸
Let's do this #TeamIndia@cricketworldcup, here we come ✈️ pic.twitter.com/XX7cSg3Qno
— BCCI (@BCCI) October 5, 2022
ঘৰুৱা ভুমিত অষ্ট্ৰেলিয়া আৰু দক্ষিণ আফ্ৰিকাৰ বিৰুদ্ধে টি-২০ ছিৰিজত জয়লাভ কৰিলেও অষ্ট্ৰেলিয়াত অনুষ্ঠিত হ’বলগীয়া টি-২০ বিশ্বকাপত ভাৰতীয় দলটো কেইবাটাও প্ৰত্যাহ্বানৰ সন্মুখীন হ’ব ৷
বিশেষকৈ ‘ডেথ বলিং’ দলটোৰ বাবে অন্যতম চিন্তাৰ বিষয় হিচাপে পৰিগণিত হৈছে ৷ জচপ্ৰীত বুমৰাহ প্ৰতিযোগিতাখনৰ পৰা বাহিৰ হোৱাৰ লগে লগে দলটোৱে কেনেকৈ সেই সমস্যাটো সমাধান কৰিব পাৰে সেয়া চিন্তনীয় ৷
হাৰ্ডিক পাণ্ডিয়াক স্থানান্তৰ কৰিব পৰা কোনো খেলুৱৈ নাই ৷ প্ৰতিযোগিতাখনৰ মাজভাগত যদি অলৰাউণ্ডাৰগৰাকী আঘাতপ্ৰাপ্ত হয়, তেন্তে দলটোৰ ভাৰসাম্য ৰক্ষা কৰাটো কঠিন হৈ পৰিব ৷
