এইবাৰ পেৰিছ অলিম্পিকত সংযোজন কৰা হৈছে কেইবাটায়ো নতুন ক্ৰীড়া। পূৰ্বে অলিম্পিকত থকা কিছুমান খেল ঘূৰাই অনা হৈছে। টকিঅ’ অলিম্পিকৰ কিছুমান খেল বাদ দিয়া হৈছে। এইবাৰৰ খেলসমূহ সেয়েহে আগৰ সময়ৰ তুলনাত একেবাৰে পৃথক। মুঠতে পেৰিছ অলিম্পিকত ৩২ ধৰণৰ খেলৰ আয়োজন কৰা হ’ব ৷
দুটা নতুন খেল
ব্ৰেকিং: এই খেলবিধ অলিম্পিকত প্ৰথমবাৰৰ বাবে অনুষ্ঠিত হ’ব। ব্ৰেকিং আচলতে ব্ৰেক ডান্সিঙৰ এক ক্ৰীড়া ৰূপ। ২০১৮ চনত বুয়েনছ আয়াৰ্ছত অনুষ্ঠিত হোৱা যুৱ অলিম্পিকত প্ৰথমবাৰৰ বাবে ব্ৰেকিঙক অন্তৰ্ভুক্ত কৰা হৈছিল। অৱশ্যে এই ইভেণ্ট মূল অলিম্পিকত প্ৰথমবাৰৰ বাবে অনুষ্ঠিত হ’ব। পুৰুষ আৰু মহিলা শাখাত বিভিন্ন দেশৰ ১৬ জন লোকে অংশগ্ৰহণ কৰিব। প্ৰথমে হ’ব ৰাউণ্ড ৰবিন লীগ। ইয়াৰ পিছতে কোৱাৰ্টাৰ ফাইনেল, ছেমি ফাইনেল আৰু পদক ৰাউণ্ড অনুষ্ঠিত হ’ব ৷ খেলুৱৈসকলে ৯ জন বিচাৰকৰ সন্মুখত প্ৰদৰ্শন কৰিব লাগিব। কোনটো গীত বা সংগীতেৰে নাচিব প্ৰতিযোগীসকলে আগতীয়াকৈ জানিব নোৱাৰিব। নতুন গেমছত স্বৰ্ণ পদকৰ বাবে আমেৰিকা, কানাডা, জাপান, লিথুৱেনিয়া আৰু ফ্ৰান্সৰ প্ৰতিদ্বন্দ্বিতা হোৱাৰ সম্ভাৱনা আছে।
কয়াক ক্ৰাছ: এই জল ক্ৰীড়াত চাৰিজন লোকে একেলগে প্ৰতিযোগিতাত অংশগ্ৰহণ কৰে। একেটা ৰেম্পৰ পৰাই যুঁজিব লাগিব। পুৰুষ আৰু মহিলা দুয়োটা শ্ৰেণীত অনুষ্ঠিত হ’ব এই খেল । সোণৰ মূল দাবীদাৰ ব্ৰিটেইন আৰু অষ্ট্ৰেলিয়া। ইটালী, ফ্ৰান্স, চীন, আমেৰিকা আদি দেশেও পদকৰ যুঁজত অংশগ্ৰহণ কৰিব।
দ্বিতীয়বাৰ হ’ব চাৰিখন খেল
চাৰ্ফিং: যোৱা টকিঅ’ অলিম্পিকত চাৰ্ফিঙে আত্মপ্ৰকাশ কৰিছিল। পেৰিছৰ আয়োজকসকলেও এই খেলখনৰ তালিকা প্ৰস্তুত কৰিছে। কিন্তু চাৰ্ফিং অলিম্পিকৰ মূল চহৰত অনুষ্ঠিত নহ’ব। পেৰিছৰ পৰা ৯০০০ কিলোমিটাৰ দূৰত্বত অৱস্থিত টাহিটি দ্বীপত অনুষ্ঠিত হ’ব এই অনুষ্ঠান। চাৰ্ফিঙত সোণৰ বাবে মূল যুদ্ধ হ’ব পাৰে আমেৰিকা আৰু ব্ৰাজিলৰ মাজত।
স্কেটবৰ্ডিং: টকিঅ’ গেমছৰ দৰেই স্কেটবৰ্ডিঙ পেৰিছত অনুষ্ঠিত হ’ব। এই খেলখন দ্বিতীয়বাৰৰ বাবে অলিম্পিকত অনুষ্ঠিত হ’ব। পুৰুষ আৰু মহিলা উভয় শাখাত স্বৰ্ণ পদকৰ প্ৰতিদ্বন্দ্বী জাপান, আমেৰিকা, অষ্ট্ৰেলিয়া।
স্পর্টছ ক্লাইম্বিং : এই খেলবিধ অলিম্পিকত দ্বিতীয়বাৰৰ বাবে অংশগ্ৰহণ কৰিছে। চাৰ্ফিং আৰু স্কেটবৰ্ডিঙৰ দৰে স্পর্টছ ক্লাইম্বিং টকিঅ’ অলিম্পিকত আত্মপ্ৰকাশ কৰিছিল।
৩X৩ বাস্কেটবল: ১৯৩৬ চনৰ পৰা বাস্কেটবল অলিম্পিকত অনুষ্ঠিত হৈ আহিছে। কিন্তু দীৰ্ঘদিন ধৰি ৩X৩ বাস্কেটবলৰ ক্ৰীড়াৰ তালিকাত স্থান নাছিল। প্ৰথমবাৰৰ বাবে টকিঅ’ত এই খেল অনুষ্ঠিত হৈছিল । ফ্ৰান্সৰ অলিম্পিক আয়োজকসকলেও এই খেলখন ৰাখিছে। প্ৰতিটো দলত তিনিজন খেলুৱৈ থাকে। লাটভিয়া, আমেৰিকা, ছাৰ্বিয়া, চীন, ফ্ৰান্সে এই গেমছত পদকৰ বাবে প্ৰতিদ্বন্দ্বিতা কৰিব।
সাতখন খেলত পৰিৱৰ্তন
কলাত্মক সাঁতোৰ: অলিম্পিকৰ বাবে কলাত্মক সাঁতোৰ বা আর্টিষ্টিক ছুইমিং নতুন নহয়। এতিয়ালৈকে এই খেলখন কেৱল মহিলাৰ বাবেহে আছিল। পেৰিছত পুৰুষেও খেলিব এই খেলিব । অলিম্পিকত প্ৰথমবাৰৰ বাবে অনুষ্ঠিত হ’ব পুৰুষৰ কলাত্মক সাঁতোৰ।
বক্সিং: মহিলা বক্সিঙত সংযোজন কৰা হৈছে এটা নতুন শাখা । ইয়াৰ বিপৰীতে এইবাৰ পুৰুষৰ এটা শাখা নাই ৷
ছেইলিং: এইবাৰ ছেইলিঙৰ দুটা নতুন ইভেণ্ট হ’ব।
শ্বুটিং: মিক্সড টিম ট্ৰেপ ইভেণ্টৰ ঠাইত পেৰিছত অনুষ্ঠিত হ’ব মিক্সড টিম স্কেট ইভেণ্ট।
ভাৰোত্তোলনঃ পেৰিছ অলিম্পিকতো ভাৰোত্তোলনৰ পৰিৱৰ্তন দেখা গৈছিল। টকিঅ’লৈ যোৱাৰ আগতে মুঠ ১৪টা ওজন (শৰীৰ) শাখাত প্ৰতিদ্বন্দ্বিতা অনুষ্ঠিত হৈছিল। পেৰিছত ১০টা ওজন শাখাত যুঁজ অনুষ্ঠিত হ’ব।
ভলীবলঃ এতিয়ালৈকে ভলীবল দলটোক ১২ জনকৈ পুৰুষ আৰু মহিলাৰে দুটা বিভাগত ভাগ কৰা হৈছিল। গ্ৰুপ পৰ্যায়ত পাঁচখন খেল অনুষ্ঠিত হ’ব লাগিছিল। এইবাৰ ১২টা দলক তিনিটা গ্ৰুপত ভাগ কৰা হ’ব। অর্থাৎ প্রতিটো দলে প্রথম ৰাউণ্ডত তিনিখন মেচ খেলিব লাগিব৷
এথলেটিকছ: এথলেটিকছৰ কিছুমান ট্ৰেক ইভেণ্টত অতি গুৰুত্বপূৰ্ণ পৰিৱৰ্তন হৈছে। প্ৰথমবাৰৰ বাবে ২০০ মিটাৰৰ পৰা ১৫০০ মিটাৰলৈকে সকলো দৌৰা ইভেণ্টতে ৰিপেচেজ ৰাউণ্ড অনুষ্ঠিত হ’ব। হিটত পৰাস্ত হোৱা খেলুৱৈসকলে ছেমি ফাইনেলত প্ৰৱেশৰ দ্বিতীয়টো সুযোগ লাভ কৰিব। এথলেটিকছত এইবাৰ দেখা নাযাব পুৰুষৰ ৫০ কিলোমিটাৰ ৱাক ইভেণ্ট। ইয়াৰ ঠাইত মাৰাথন মিক্সড ৰিলে অনুষ্ঠিত হ’ব। ইয়ো এক খোজকঢ়া প্ৰতিযোগিতা।
অলিম্পিকৰ নিয়ম অনুসৰি আয়োজকসকলে নিয়মীয়া খেলৰ বাহিৰত ছটা খেললৈকে অন্তৰ্ভুক্ত কৰিব পাৰে। সেই নিয়মৰ সুবিধা লৈ পেৰিছৰ আয়োজকসকলে দুটা নতুন খেলৰ প্ৰৱৰ্তন কৰিছে, ব্ৰেকিং আৰু কয়াক ক্ৰাছ। টকিঅ’ৰ প্ৰথম চাৰিখন খেলো ক্ৰীড়াৰ তালিকাত অন্তৰ্ভুক্ত কৰা হৈছিল। আৰু সাতটা খেলে প্ৰতিযোগিতাৰ ফৰ্মেট সলনি কৰিছে বা নতুন ইভেণ্ট সংযোজন কৰিছে।
