ৱেষ্ট ইণ্ডিজে বিগত টি-২০ বিশ্বকাপৰ বাবে যোগ্যতা অৰ্জন কৰিব পৰা নাছিল ৷ এইবাৰ তেওঁলোকে ছুপাৰ এইটত স্থান লাভ কৰিছে । বৃহস্পতিবাৰে নিউজিলেণ্ডক ১৩ ৰানত পৰাস্ত কৰি কেৰিবিয়ান দলটোৱে ছুপাৰ এইটলৈ যোগ্যতা অৰ্জন কৰে। আই পি এলত কলকাতা নাইট ৰাইডাৰ্ছৰ হৈ সুযোগ নোপোৱা শ্বাৰফেন ৰাদাৰফোৰ্ডে মেচখনত জয়লাভ কৰাত বিশেষভাৱে সহায় কৰে ৷
বৃহস্পতিবাৰে পুৱা গ্ৰুপ চি মেচত ৰাদাৰফোৰ্ডে নিউজিলেণ্ডক পৰাস্ত কৰে। ৱেষ্ট ইণ্ডিজে তিনিখন মেচত ৬ পইণ্ট লাভ কৰে। নিউজিলেণ্ডে এতিয়াও কোনো পইণ্ট লাভ কৰা নাই। বাকী দুখন মেচত জয়ী হ’লেও ৪ পইণ্টতকৈ বেছি লাভ নকৰিব। এই গ্ৰুপত আফগানিস্তানে ইতিমধ্যে ৪ পইণ্ট লাভ কৰিছে। তেওঁলোকৰ মাজত দুখন মেচ বাকী আছে। ইয়াৰে এখন হৈছে পাপুয়া নিউগিনিৰ বিৰুদ্ধে। যদি আফগানিস্তানে ৬ পইণ্ট লাভ কৰে, তেন্তে নিউজিলেণ্ডে কোনো ধৰণে পৰৱৰ্তী ৰাউণ্ডলৈ যাব নোৱাৰিব। যদি আফগান ৪ পইণ্টত আবদ্ধ হৈ থাকে তেন্তে নিউজিলেণ্ডে সুযোগ লাভ কৰাৰ সম্ভাৱনা আছে ৷
মেচখনত প্ৰথম বেটিং কৰি ৱেষ্ট ইণ্ডিজে ১৪৯ ৰান সংগ্ৰহ কৰে। ৩৯টা বলত ৰাদাৰফোৰ্ডে ৬৮ ৰান সংগ্ৰহ কৰে। আই পি এলত কে কে আৰৰ হৈ খেলাৰ সুযোগ লাভ কৰা নাছিল তেওঁ ।মেন অৱ দ্য মেচৰ বঁটা লাভ কৰি ৰাদাৰফোৰ্ডে কয়, ‘যোৱা দুমাহ ধৰি মই আই পি এলৰ সৈতে জড়িত হৈ আছিলো। হয়তো মেচ খেলাৰ সুযোগ নাপালোঁ। কিন্তু মই অনুশীলন কৰিলোঁ। তাৰ পৰাই মই নিজকে গঢ়ি তুলিলোঁ।”
