অক্টোবৰত ১.৩০ লাখ কোটি টকাৰ জি এছ টি সংগ্ৰহ হোৱাৰ কথা ঘোষণা কেন্দ্ৰীয় বিত্ত মন্ত্ৰালয়ৰ

২০২১ বৰ্ষৰ অক্টোবৰ মাহত জি এছ টি সংগ্ৰহ ১.৩০ লাখ কোটি টকালৈ বৃদ্ধি পাইছে বুলি ঘোষণা কৰিছে কেন্দ্ৰীয় বিত্ত মন্ত্ৰালয়ে৷  মন্ত্ৰালয়ৰ মতে অক্টোবৰত ১,৩০,১২৭কোটি টকাৰ  জি এছ টি সংগ্ৰহ কৰা হৈছে ৷  যোৱা এপ্ৰিল মাহত সংগৃহীত জি এছ টিৰ  পৰিমাণ আছিল  ১,৪১,৩৮৪ টকা ৷

২০২১ বৰ্ষৰ অক্টোবৰ মাহৰ   জি এছ টি সংগ্ৰহ ২০২০ বৰ্ষৰ অক্টোবৰত সংগৃহীত  জি এছ টিতকৈ  ২৪ শতাংশ আৰু  ২০১৯-২০ বৰ্ষৰ অক্টোবৰতকৈ ৩৬ শতাংশ অধিক হোৱা বুলি তেওঁলোকে জানিবলৈ দিয়ে ৷

বিত্ত মন্ত্ৰালয়ৰ বিবৃত্তিত প্ৰকাশ পোৱা মতে ,জি  এছ টি সংগ্ৰহৰ পৰিমাণ বৃদ্ধিয়ে  দেশৰ অৰ্থনীতি পুনৰুদ্ধাৰৰ ইংগিতকেই  বহন কৰিছে৷