অমৃত নিউজৰ দ্বিতীয় বৰ্ষপূৰ্তি পালন

গুৱাহাটী ১২ ফেব্ৰুৱাৰীঃ যোৱাবছৰৰ দৰে এইবাৰো অমৃত প্ৰবাহ অসমীয়া সাপ্তাহিক কাকতৰ ডিজিটেল সংস্কৰণ অমৃত নিউজৰ দ্বিতীয় বৰ্ষপূৰ্তি অগ্ৰদূত ভৱন প্ৰেক্ষাগৃহত উলহমালহেৰে পালন কৰা হয়৷
সংবাদ জগতৰ মহীৰূহ কনকসেন ডেকাৰ পৌৰোহিত্যত অনুষ্ঠিত গাম্ভীৰ্যপুৰ্ণ সভাত দৰ্শনা বৰুৱাই আতধৰা অনুষ্ঠানত বন্তি প্ৰজ্বলনৰে সভাৰ শুভাৰম্ভ কৰে কনকসেন ডেকা, অমৃত নিউজৰ মুখ্য সম্পাদক ড°দয়ানন্দ পাঠক, প্ৰাক্তন জিএমচিৰ আয়ুক্ত দেৱজ্যোতি হাজৰিকা, আৰক্ষী মহাপৰিদৰ্শক অৰবিন্দ কলিতাই৷
সভাৰ আৰম্ভণিতে বিশিষ্ট ব্যক্তি সকলক আদৰণি জনাই অমৃত নিউজৰ পৰিচালন সম্পাদক হীৰেন চন্দ্ৰ কলিতাই৷
সভাৰ কাৰ্যক্ৰমণিকা অনুসৰি অমৃত নিউজ ৰাজ্যিক বটা প্ৰদান কৰে ৰাজ্যৰ এগৰাকী উদ্যোগী মহিলা তথা প্ৰাইড ইষ্ট এন্টাৰটেইনমেণ্ট লিমিটেডৰ অধ্যক্ষা ৰিণিকি ভূঞা শৰ্মাক৷
ৰিণিকি ভূঞা শৰ্মা বিশেষ কাৰণবশতঃ সভাত উপস্থিত থাকিব নোৱাৰাত তেখেতৰ হৈ কিংশুক তামুলীয়ে বটা গ্ৰহণ কৰে৷
অমৃত নিউজ জনসেৱা বটা প্ৰদান কৰে নুমলীগড় ৰিফেইনেৰীৰ পৰিচালন সঞ্চালক ভাস্কৰজ্যোতি ফুকনক৷
ভাস্কৰজ্যোতি ফুকন অসমৰ বাহিৰত থকাৰ বাবে তেখেতৰ হৈ মধুচন্দা অধিকাৰী আৰু পঞ্চাননে গ্ৰহণ কৰে৷
অমৃত নিউজ সমাজসেৱা বটা প্ৰদান কৰে অসম আৰক্ষীৰ আৰক্ষী মহাপৰিদৰ্শক অৰবিন্দ কলিতাক৷
অৰবিন্দ কলিতাক ফুলাম গামোছাৰে সম্বৰ্দ্ধনা জ্ঞাপন কৰে অমৃত নিউজৰ পৰিচালন সম্পাদক হীৰেন চন্দ্ৰ কলিতাই৷
বটা প্ৰদান কৰে সংবাদ জগতৰ মহীৰূহ কনকসেন ডেকা অমৃত নিউজৰ মুখ্য সম্পাদক ড°দয়ানন্দ পাঠক আৰু জিএমচিৰ প্ৰাক্তন আয়ুক্ত দেৱজ্যোতি হাজৰিকাই৷
বটাপ্ৰাপক ভাস্কৰজ্যোতি ফুকনৰ শুভেচ্ছা পাঠ পঢ়ি শুনাই সংগম পঞ্চাননে৷
সমাজসেৱা বটাপ্ৰাপক অৰবিন্দ কলিতাই বটা গ্ৰহণ কৰি এক সাৰুৱা আৰু মনোগ্ৰাহী বক্তব্য প্ৰদান কৰে৷
প্ৰায় বহুসংখ্যক গণ্যমান্য ব্যক্তিৰ উপস্থিতিত ৰসধৰ শৰ্মা,দীপজ্যোতি নাথ,ইন্দ্ৰেশ্বৰ হাজৰিকা,ধনটি কাকতি,দৰ্শনা বৰুৱা,চন্দ্ৰধৰ শইকীয়া,হিমাংশু কলিতা,সোনাৰাম বনিয়া,অমৰ কাশ্যপ,ৰাজকুমাৰ আগৰৱালা, জ্যোতি মালাকাৰ কাকতি,হিমাংশু দাস,দেৱজ্যোতি হাজৰিকা,ড°দয়ানন্দ পাঠক আৰু কনকসেন ডেকাক ফুলাম গামোচাৰে সম্বৰ্দ্ধনা জ্ঞাপন কৰা হয়৷৷