কি ৰহস্য লুকাই আছে ডেকাগাঁৱৰ দীপজ্যোতি বৰাৰ মৃত্যুৰ আঁৰত ?

যোৰহাটৰ সোণাৰিগাঁৱত সংঘটিত হয় এক শোকাবহ ঘটনা ৷আজি পুৱা যোৰহাট সোণাৰিগাঁৱৰ আৰবান পানী যোগান আঁচনিৰ প্ৰকল্পত এটা মৃতদেহ উদ্ধাৰ হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে ৷ পানী যোগান প্ৰকল্পটোৰ ফিল্টাৰ হাউছৰ প্ৰথম মহলাৰ মজিয়াত পৰি থকা অৱস্থাত উদ্ধাৰ হৈছে এজন যুৱকৰ মৃতদেহ ৷ ইতিমধ্যে মৃতদেহটো ডেকাগাঁও পিজলিচুকৰ দীপজ্যোতি বৰাৰ বুলি চিনাক্ত কৰা হৈছে ৷

জানিব পৰা মতে কেতিয়াবা প্ৰকল্পটোত হাজিৰা কাম কৰিবলৈ আহে যুৱকজন ৷ ইতিমধ্যে আৰক্ষী ঘটনাস্থলীত  উপস্থিত হৈ উক্ত ঘটনা সন্দৰ্ভত আৰম্ভ কৰিছে তদন্ত ৷ মৃত যুৱকজনৰ হাতত থকা দাগ সমূহলৈ চাই যুৱকজন ড্ৰাগছৰ প্ৰতি আসক্ত হোৱা বুলি সন্দেহ কৰা হৈছে ৷ ডেকাগাঁৱৰ পৰা বহু নিলগত থকা এই পানী যোগান প্ৰকল্পটোলৈ কিয় আহিছিল যুৱকজন সেয়াও বৰ্তমান সময়ত সকলোৰে বাবে এক প্ৰশ্নবোধক ৷যুৱকজনৰ লগত আন কোনো লোক থকা বুলিও সন্দেহ প্ৰকাশ কৰিছে আৰক্ষীয়ে ৷