ড্ৰাগছ সৰবৰাহকাৰীক আটক

পশ্চিম গুৱাহাটী পুলিচ সংমণ্ডলৰ গড়চুক থানাৰ আৰক্ষী বাহিনীয়ে চাহিল খান নামৰ এজন ড্ৰাগছ ব্যৱসায়ীক আটক কৰে। ১১.৫৪ গ্ৰাম হিৰোইনসহ লোকজনক আৰক্ষীয়ে জালুকবাৰীৰ কটিয়াদলঙৰ ওচৰৰ পৰা গ্ৰেপ্তাৰ কৰে। ব্যক্তিজন লতাশিল অঞ্চলৰ বুলি জানিব পৰা গৈছে। আৰক্ষীয়ে এই সন্দৰ্ভত তদন্ত আৰম্ভ কৰি বিহিত ব্যৱস্থা গ্ৰহণ কৰিব বুলি জনাইছে। অসমত বৃদ্ধি পোৱা ড্ৰাগছৰ সৈতে জড়িত ঘটনাই সকলোকে চিন্তাত পেলাইছে।