আজি গুৱাহাটী মহানগৰীৰ ছয় মাইল অঞ্চলৰ পেলেচিয়া এপাৰ্টমেণ্টৰ ষষ্ঠ মহলাত সংঘটিত হয় এক ভয়াবহ অগ্নিকাণ্ড৷ গুৱাহাটীৰ ভিআইপি পথত অৱস্থিত হাউচিং কমপ্লেক্সটোৰ এটা এপাৰ্টমেণ্টত এই ভয়াবহ অগ্নিকাণ্ডটো সংঘটিত হয়।
অগ্নিকাণ্ড সংঘটিত হোৱাৰ পিছতেই কেইবাখনো অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হয় আৰু বহুসময়ৰ চেষ্টাৰ পিছত জুই নিয়ন্ত্ৰণলৈ আনে।
অগ্নিকাণ্ড সংঘটিত হোৱা লক্ষাধিক টকা মূল্যৰ এই এপাৰ্টমেণ্টটো সম্পূৰ্ণৰূপে ভস্মীভূত হোৱা বুলি জানিব পৰা গৈছে লগতে অগ্নিকাণ্ডটোত ভষ্মীভূত হৈছে লক্ষাধিক টকাৰ সা-সম্পত্তি ৷ অৱশ্যে অগ্নিকাণ্ডটোত এতিয়ালৈকে কোনো লোক অগ্নিদগ্ধ হোৱা বা মৃত্যু মুখত পৰা নাই বুলি জানিব পৰা গৈছে ।
অৱশ্যে কেনেকৈ এই ভয়াবহ অগ্নিকাণ্ডটোৰ সূত্ৰপাত ঘটিল তাৰ কাৰণ এতিয়াও জানিব পৰা হোৱা নাই।
