ৰঙিয়া নগৰৰ তিনিআলিত আজি পুৱাৰ ভাগত এক শোকাৱহ দুৰ্ঘটনাত অকাল মৃত্যুক সাৱটি লোৱা দুই যুৱকৰ আত্মাৰ সদ্গতিৰ কামনাৰে বন্তি প্ৰজ্বলন কৰে।
ৰঙিয়াৰ আগশাৰীৰ সামাজিক সংগঠন “ৰণদিয়া প্ৰয়াস”ৰ উদ্যোগত অনুষ্ঠিত হোৱা কাৰ্য্যসূচীত সামাজিক সংগঠনটোৰ কেইবাগৰাকী বিষয়-ববীয়াই উপস্থিত থাকি বন্তি প্ৰজ্বলন কৰে।
উপস্থিত ব্যক্তি সকলে মৃতকৰ আত্মাৰ সদ্গতি কামনা কৰি এক মিনিট সময় মৌন প্ৰাৰ্থনাও কৰে।
সামাজিক সংগঠনটোৰ কৰ্মীসকলে জানিবলৈ দিয়া মতে আগন্তুক তিনিদিনলৈ উক্ত স্থানত বন্তি প্ৰজ্বলন কৰাৰ লগতে সৰ্বধৰ্মীয় প্ৰাৰ্থনা, শ্ৰদ্ধাঞ্জলি অনুষ্ঠানৰে সামৰণি কৰিব। উল্লেখ্য যে, আজি পুৱাৰ ভাগত ৰঙিয়া নগৰৰ তিনিআলি ভাৰত ভুটান আন্তঃৰাষ্ট্ৰীয় পথত এখন ড্ৰাম্পাৰে বাইকৰে গৈ থকা অবস্থাত ৰঙিয়া ৫নং ৱাৰ্ডৰ নাজিম আলী আৰু ৰঙিয়া ইচাপুৰৰ হাটিম আলী নামৰ দুই যুৱকক মহতিয়াই নিয়াৰ ফলত মৃত্যুক সাৱটি লৈছিল।
