চিৰাঙৰ চাপাগুৰিত সংঘটিত হৈছে এক ভয়ংকৰ অগ্নিকাণ্ড। হঠাতে সংঘটিত হোৱা অগ্নিকাণ্ডত জাহ গ’ল ১৩ খনকৈ বাহন। দিদি মটৰ্ছ নামৰ পুৰণি গাড়ী বিক্ৰী কৰা শ্ব’ৰুম এটাত সংঘটিত হোৱা অগ্নিকাণ্ডত জাহ গ’ল এই বাহনসমূহ।জানিবপৰা মতে অগ্নিকাণ্ড ইমানেই ভয়ংকৰ আছিল যে নিমিষতে জ্বলি ছাই হৈ যায় শাৰী শাৰীকৈ ৰখা বাহনসমূহ ৷ অৱশ্যে এতিয়ালৈ জানিব পৰা হোৱা নাই ভয়াবহ অগ্নিকাণ্ড সংঘটিত হোৱাৰ কাৰণ ।
অগ্নিকাণ্ড সংঘটিত হোৱাৰ পিছতেই ঘটনাস্থলীত অগ্নিনিৰ্বাপক বাহিনীৰ লোক উপস্থিত হৈ তৎপৰতাৰে জুই নিৰ্বাপন কৰিবলৈ সক্ষম হয় ৷ ইফালে ব্যৱসায়িক এলেকাত সংঘটিত অগ্নিকাণ্ডত ব্যৱসায়ী সকলৰ মাজতো হুৱাদুৱা লাগে ৷ কাষৰীয়া ব্যৱসায়ীসকলে অগ্নিকাণ্ডত নিজৰ ব্যৱসায় প্ৰতিষ্ঠানৰ বয়-বস্তু সমূহ জাহ যোৱাৰ শংকা কৰি বয়–বস্তুসহ ৰাজপথলৈ ওলাই আহে৷ ভয়াবহ অগ্নিকাণ্ডটোৱে দিদি মটৰ্ছ নামৰ ব্যৱসায়িক প্ৰতিষ্ঠানটোৰ বৃহৎ পৰিমাণৰ ক্ষয়ক্ষতি কৰে ৷
